Gjykata Themelore në Prishtinë, ka caktuar të mërkurën një muaj paraburgim për një person të nacionalitit serb nën dyshimet për krime lufte gjatë viteve 1998/1999 në Kosovë, përkatësisht në Komunën e Kamenicës.
“Departamenti Special ka vendosur lidhur me kërkesën e Prokurorisë Speciale të Republikës së Kosovës për caktimin e paraburgimit në çështjen penale hetimore të pandehurit Z.A, i dyshuar për veprën penale krime lufte kundër popullatës civile nga neni 142 lidhur me nenin 22 të Ligjit Penal të RSFJ”.
“Gjyqtari i procedurës paraprake kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurit Z.A e ka aprovuar si të bazuar dhe të njëjtit i është caktuar masa e paraburgimit në kohëzgjatje prej 1 (një) muaji”, njoftoi gjykata.
Ndryshe, Prokuroria Speciale e Kosovës, në bashkëpunim me Njësinë për Hetime të Krimeve të Luftës, ka arrestuar të martën të pandehurin me inicialet Z.A., të nacionalitetit serb, nën dyshimet se kishte torturuar për një orë e gjysmë një person në vitin ’99 në Kamenicë.
Sipas njoftimit të Prokurorisë Speciale, ai pastaj ka filluar të bëjë plaçkitjen e shtëpive, e më pas me qëllim të dëmtimit të pronës së shqiptarëve, ia ka vënë zjarrin, si dhe ka marr pjesë në keqtrajtimin e civilëve shqiptarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Elektroseveri fillon vendosjen e njehësorëve të rrymës në Veri
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE
-
Ministri ukrainas i Bujqësisë arrestohet, në një hetim për korrupsion miliona dollarësh
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
Lajmet kryesore
-
Tensione sërish te Bashkia Tiranë, protestohet me molotov
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Blinken dhe Xi takohen, duan ‘partneritet, jo rivalitet’
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE