Rivalët politikë të kandidatit për kancelar në Gjermani, Olaf Scholz, kanë kërkuar një shpjegim në lidhje me hetimin e realizuar në ministrinë e tij të Financave.
Të enjten e 10 shtatorit, prokurorët bastisën ministrinë e Financave dhe Drejtësisë, si pjesë e një hetimi në departamentin qeveritar kundër pastrimit të parave.
Bastisjet vijnë në një moment vendimtar për Scholz, i cili nga sondazhet e realizuara deri më tani duket se ka një shans të mirë për t’u bërë kancelari i ardhshëm gjerman në zgjedhjet e 26 shtatorit.
Scholz, i cili është kandidat i Social Demokratëve (SPD), është gjithashtu zëvendëskancelar dhe ministër i Financave në koalicionin e madh qeverisës të kancelares, Angela Merkel.
Hetimi në agjencinë e ministrisë së Financave
Sipas hetimit fillestar dyshohet se agjencia ka injoruar paralajmërimet për pagesa të dyshimta në Afrikë dhe se raportet bankare për një aktivitet të tillë nuk i janë përcjellë policisë.
Prokurorët u shprehën se hetimi nisi në qershor të vitit 2018, pas publikimit të një raporti të një banke.
Banka citoi pagesa në total mbi 1 milion euro, të cilat dyshohej se kishin të bënin me tregtinë e armëve dhe drogës dhe financimin e terrorizmit.
Të premten e 11 shtatorit, revista gjermane e lajmeve “Der Spiegel” publikoi detajet e një letre nga ministria e Financave drejtuar zyrës së auditimit të qeverisë gjermane.
Në letër, zyrtarët versionin e tyre duke thënë se paralajmërimet ishin shqyrtuar.
Sidoqoftë, “Der Spiegel” shkruan se ministria e Scholz injoroi paralajmërimet e qarta për mangësitë në vlerësimin e aktivitetet e dyshuara kriminale.
Sekretari i Përgjithshëm i bllokut konservator të Merkel-it, Paul Ziemiak, kërkoi që Scholz të shpjegojë veten.
Scholz u kritikua gjithashtu për reagimin e tij të irrituar ndaj sulmit të së enjtes.
Ai pyeti nëse hetuesit “mund t’i kishin parashtruar pyetjet e tyre me shkrim” si dhe nuk ishte i gatshëm të komentonte kohën e bastisjes – pak më shumë se dy javë para zgjedhjeve të vendit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com