Mbrojtësi i shumëpërfolur gjatë vitit të fundit, Evan Ndicka, tashmë ka arritur në Romë për t’i kryer testet mjekësore me skuadrën e Jose Mourinho-s.
Mrbojtësi shtatlartë nuk e vazhdoi kontratën me Eintracht Frankfurtin, andaj do t’i bashkohet Romës si futbollist i lirë, ku do të nënshkruajë kontratë pesëvjeçare.
Milani ishte gjithashtu i interesuar për mbrojtësin nga Bregu i Fildishtë, i disponueshëm si lojtar i lirë, por “Giallorossi” kanë qenë gjithmonë përpara në garë.
N’Dicka mbërriti në aeroportin Fiumicino të Romës të martën pasdite.
🇨🇮 Evan #Ndicka è arrivato a #Roma. Il difensore nella giornata odierna svolgerà le visite mediche e firmerà il contratto che lo legherà alla #AsRoma per 5 anni. 🟡🔴
👉 https://t.co/ofYy3dc1fZ pic.twitter.com/NFDyPvY6QS
— laroma24.it (@LAROMA24) June 13, 2023
Ai është nënshkrimi i dytë veror i Romës pas Houssem Aouar, i cili gjithashtu iu bashkua skuadrës së Serie A në një transferim të lirë, nga Lyon.
Ndicka është një mbrojtës me karakteristika të mira, i cili pati paraqitje të shkëlqyeshme në vitet e fundit me klubin gjerman.
Vlera në treg e tij, sipas “Transfermarkt” është 32 milionë euro – pra një mbrojtës cilësor i transferuar me parametra zero nga skuadra kryeqytetase.
Kujtojmë që 23-vjeçari i ka përfaqësuar skuadrat e reja të Francës, ndërsa tani ka vendosur ta përfaqësojë kombëtaren e Bregut të Fildishtë, edhe pse ende nuk ka ndonjë paraqitje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”