Ministrja e Drejtësisë, Albulena Haxhiu, në seancën e Kuvendit të Kosovës ku po diskutohet për tri propozim-amendamentet kushtetuese, që kanë të bëjnë me Vettingun në sistemin e drejtësisë, ka thënë se e ka pasur përkrahjen e qytetarëve, por jo edhe të bashkësisë ndërkombëtare, të cilët sipas saj “kanë thënë se Kosova nuk ka nevojë për Vetting”.
“Ne kemi pasur përkrahjen e qytetarëve për ta bërë Vettingun në sistemin e drejtësisë, për mua kjo është e rëndësishme. Ndërsa me partnerët ndërkombëtar, me shoqërinë civile mund të kemi në vazhdimësi diskutime për t’u përballur me argumente. Partnerët kanë thënë që Kosova s’duhet të ketë Vetting dhe kanë thënë se Kosova duhet të forcojë mekanizmat e brendshëm të Vettingut”, tha Haxhiu.
Haxhiu ka shtuar se Vettingu “është çelësi që Kosova të jetë shtet i së drejtës” dhe është kushti që sistemi i drejtësisë, apo në sistemin e drejtësisë “të kemi prokuror me integritet të lartë moral edhe profesional”.
“Vettingu është rruga e vetme që mund të sigurohemi që gjykatat dhe prokurorit veprojnë në mandatin tyre ligjor. Vettingu është mundësia për kthyer besimin qytetarëve tek institucionet e drejtësisë”, potencoi ai.
Megjithatë, Kuvendi nuk ka arritur të votojë amendamentet kushtetuese për Vettingun. Në sallën plenare kanë qenë të pranishëm 87 deputetë, tetë prej tyre nga komunitetet joshumicë, për çka kërkohet të jenë prezent 14 deputetë për ndryshime kushtetuese.
Ndryshe, në fund të vitit të kaluar, Gjykata Kushtetuese e kishte kaluar shumicën e amendamenteve të propozuara kushtetuese për procesin e Vettingut, kërkesë kjo që ishte bërë nga kryetari i Kuvendit të Kosovës, Glauk Konjufca.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës