Vazhdon maratona e sezonit të rregullt në ligën më të fortë të basketbollit në botë, NBA.
Gjatë së dielës, në program ishin pesë takime.
E nisi Dallas Mavericks dhe e mbylli Los Angeles Lakers.
Dallas Maveriks:
Të udhëhequr nga Luka Doncic, Mavs arritën një fitore jo edhe shumë të lehtë përballë Sacramento Kings.
Mavericks dominuan dy periudha, me Kings që po ashtu dominuan aq.
Mirëpo, çereku i parë i fortë i Dallas-it ishte ndihmë për gjithë takimin, që arriti ta menagjojë epërsinë deri në fund.
Lojtari më i spikatur i takimit ishte Luka Doncic, me 23 pikë, dhjetë asistime dhe tetë kërcime.
Milwaukee Bucks:
Kampionët në fuqi pësuan humbjen e tretë radhazi në NBA, këtë radhë nga Utah Jazz.
Jazz po kalojnë një formë shumë të mirë, duke u renditur në vendin e parë në konferencën perëndimore, me pesë fitore dhe një humbje.
Gjatë ndeshjes së mbrëmshme, Jazz dominoi tre periudhat e para, duke e fituar ndeshjen në fund me rezultat 95-107.
Donovan Mitchell ishte basketbollisti më i dalluar, me 28 pikë, katër kërcime dhe dy asistime.
Brooklyn Nets:
Nets zhvilluan një nga ndeshjet e tyre më të mira të sezonit përballë Detroit Pistons.
Skuadra e yjeve, dominoi çdo çerek.
Në fund, Nets fitoi me rezultat të thellë 117-91. Për ta kjo ishte fitorja e dytë radhazi, dhe e katërta në përgjithësi.
Kurse për Detroit Pistons, kjo ishte humbje e pestë nga gjashtë takime.
Durant ishte pikëshënuesi më i mirë, me 23 sosh, kurse James Harden arriti treshifrorë të dyfishtë, me 18 pikë, dhjetë kërcime dhe 12 asistime.
Los Angeles Lakers:
Falë paraqitjes së mirë të veteranëve Anthony dhe Westbrook, Lakers arritën fitoren përballë Houston Rockets.
I pari, Carmelo Anthony, shënoi 23 pikë dhe kishte tri kërcime.
Westbrook në anën tjetër kishte 20 pikë, tetë kërcime dhe nëntë asistime.
Ndeshja u mbyll me rezultat 95-85 me Lakers që arritën fitoren e katërt nga shtatë takime.
Rockets mbesin thuajse në fund me një fitore dhe pesë humbje.
Në ndeshjen tjetër të natës, Charlotte Hornets fitoi 125-113 përballë Portland Trail Blazers.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Rama nga impianti i Ferrokromit: Sistemi i filtrimit, 2 milionë euro investim
-
Borrelli thotë se Ballkani Perëndimor ka shansin historik për të lidhur të ardhmen me BE-në
-
Kurti takon nënkryetaret serbe të komunave veriore, diskutojnë për lirinë e asociimit