Kampioni në fuqi i NBA, Milwaukee Bucks, ka marrë fitoren e tetë radhazi, teksa mposhti pas një ndeshje spektakolare, Charlotte Hornets, me rezultat të ngushtë 127:125.
Mysafirët patën epërsi të mirë deri në 18 pikë në tre çerekët e parë, por në fund, Bucks u treguan më vendimtar për ta fituar ndeshjen me vetëm dy pikë epërsi.
Giannis Antetokounmpo me 40 pikë, 12 kërcime e nëntë asistime ishte më meritori për fitoren e vendasve.
Derisa, për mysafirët shfaqi lojë të mirë LaMelo Ball, duke shënuar 36 pikë, pesë kërcime dhe nëntë asistime.
Ndërkohë, vjen humbja e katërt brenda pesë ndeshjeve për Los Angeles Clippers, të cilët u mposhtën në shtëpi nga Sacramento Kings, me rezultat 115:124.
Lojë të mirë te mysafirët shfaqën De’Aaron Fox me 24 pikë e Terence Davis me 23 sosh, për të marrë fitoren e Sacramento-s, të cilët vinin në këtë ndeshje pas dy humbjeve.
Fitore shumë të rëndësishme dhe të ngushtë, mori Boston Celtics, të cilët mposhtën Philadelphia 76ers, me rezultat të ngushtë 88:87.
Rezultatet tjera të ndeshjeve në NBA:
Indiana Pacers – Atlanta Hawks 111:114
Orlando Magic – Denver Nuggets 108:103
Washington Wizards – Minneaotta Timberwolves 115:107
Miami Heat – Cleveland Cavaliers 85:111
New Orleans Pelicans – Dallas Mavericks 107:139
Oklahoma City Thunder – Houston Rockets 110:114
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
