Napoli ka realizuar fitoren e pestë radhazi nga po aq ndeshje në Serie A, duke e shpartalluar Sampdoria-n me rezultat 0:4.
Serinë e golave e hapi nigeriani Victor Osimhen, në minutën e 10-të të ndeshjes, pas një asistimi të marrë nga Lorenzo Insigne.
Insigne asistoi përsëri te goli i dytë në minutën e 39-të, në të cilën realizoi një gol të bukur nga jashtë zone Fabian Ruiz.
Pjesa e parë përfundoi me epërsi 0:2 të Napoli-t, derisa pesë minuta pasi filloi e dytë, ishte përsëri Osimhen që trefishoi rezultatin.
Në minutën e 59-të, Pitor Zielinski realizoi golin e katërt për Napoli-n, gol ky që mbylli ndeshjen.
Në këtë takim, Amir Rrahmani luajti për 47 minutat e para, por u largua nga loja pasi që pësoi një lëndim në kokë.
Me këto tri pikë, Napoli rimerr kreun e tabelës në Serie A, me 15 pikë të grumbulluara, duke lënë prapa Inter-in dhe Milan-in me nga 13 pikë.
Ndërkohë në ndeshjen tjetër, Lazio kthehet me një pikë, duke barazuar me rezultat 1:1 me Torinon.
Marko Pjaca realizoi gol në minutën e 76-të për epërsinë e Torino-s, por mysafirët barazuan në fund përmes Ciro Immobile, i cili shënoi nga penalltia.
Mbrojtësi i Kombëtares së Shqipërisë, Elseid Hysaj, u paraqit standard, ndërsa reprezentuesi i Kosovës, Vedat Muriqi, u inkuadrua nga minuta 79-të për Lazion.
Lazio momentalisht pozicionohet në vendin e shtatë në tabelë me tetë pikë, kurse Torino në vendin e 10-të me një pikë më pak.
Java e pestë në Serie A do të mbyllet me ndeshjen Roma – Udinese që do të fillojë në ora 20:45.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
Zemërimi i Melonit për përjashtimin mund të rezultojë në abstenim në Këshillin Evropian
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm