Ish-komandant i Zonës së Llapit në Ushtrinë Çlirimtare të Kosovës, Rrustem Mustafa, për të tretën herë është duke vazhduar dëshminë e tij në Dhomat e Specializuara të Kosovës në Hagë në gjykimin ndaj ish krerëve të UÇK-së.
Mustafa, është duke u intervistuar nga mbrojtja e ish-kryetarit të Kuvendit të Kosovës, Kadri Veselit, Ben Emmerson.
Ai para fillimit të intervisitimit ka thënë se pyetjet e tij do të lidhen me dëshminë e së premtes që nisi me fjalimin e Ramush Haradinajt.
Pjesë nga intervistimi i Rrustem Mustafës:
Emmerson: Para Rambujës, Azem Syla, ishte komandanti i përgjithshëm i UÇK-së kështu? Thoni që nuk e dini por a është e vërtetë që Azem Syla qëndronte gjatë gjithë kohës në Tiranë?
Rrustem Mustafa: Po.
Emmerson: Dhe nuk ka qenë ushtarak apo jo?
Rrustem Mustafa: Ne e kemi llogaritur që ai po punon në logjistikën e Ushtrisë Çlirimtare të Kosovës.
Emmerson: Në atë kohë, Bislim Zyrapi, të cilin e njihje besoj edhe që ishte ushtarak ai kishte rolin e shefit të shtabit. Kështu ishte? Në fakt ishte një person me përvojë ushtarake brenda shtabit të juaj?
Rrustem Mustafa: Kanë menduar që duhet, që mundet Bislim Zyrapi, me qenë komandant.
Emmerson: Gjatë Rambujës dhe meniherë pas Rambujës anëtarët ekzistues të shtabit të përgjithshëm u transferuan në role të reja në Qeverinë e përkohshme të Qeverisë së Kosovës. A është kështu?
Rrustem Mustafa: Po
Emmerson: Pjesë e pasojave të Rambujesë ishte formimi i një Qeverie të përkohshme për Kosovën që të merrte përgjegjësinë politike. Kur përfundoi konflikti?
Mustafa nuk përgjigjet.
Emmerson: Gjatë këtij procesi disa persona ndryshuan edhe rolin e tyre apo jo?
Mustafa: Po.
Emmerson: Azem Syla, u bë ministër i Mbrojtjes a është e vërtetë?
Mustafa: Po.
Emmerson: Bislim Zyrapi, u bë shef shtabi në ministrinë e Mbrojtjes?
Mustafa: Po.
Emmerson kërkoi që seanca të kaloj në private për temën tjetër sepse ka të bëjë me përgjimet e lidhjeve telefonike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dëshmitari i 57-të në Speciale dëshmon në seancë të mbyllur, gjykatësi kërkon që pyetjet të bëhen të thjeshta
-
Përfundon dëshmia e Ramiz Qeriqit në Speciale, javën e ardhshme një tjetër dëshmitar
-
Qeriqi në Speciale mohon akuzat se e kishte parë Thaçin të jepte urdhra ndaj anëtarëve të UÇK-së
-
Tre orë debate te Komisioni i Shëndetësisë, mazhoranca refuzon kalimin e kërkesave për informacion
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve