Mourinho refuzon Chelsea-n

Jose Mourinho thuhet se refuzoi një ofertë për t’u bërë trajner i Chelsea-t.

E ardhmja e trajnerit 60-vjeçar ka qenë temë e shumë diskutimeve në muajt e fundit, me kontratën e tij aktuale që skadon me Romën në qershor të vitit të ardhshëm.

Ai ka qenë i lidhur me shumë punë, duke përfshirë kombëtaren braziliane dhe Paris Saint-Germain.

Mourinho ha detto no a un dirigente del Chelsea: prima vuole parlare con i Friedkin#ASRoma https://t.co/SU1IhKdvc3

— VoceGiallorossa.it (@VoceGiallorossa) May 1, 2023

Mourinho u ka kujtuar shumë njerëzve cilësinë e tij në kampionat gjatë kohës së tij me Romën, duke i udhëhequr ata drejt titullit të tyre të parë të madh evropian sezonin e kaluar në Ligën e Konferencës.

Gjërat kanë qenë pak më të vështira këtë sezon, por verdhekuqtë janë ende në gjysmëfinale të Europa League.

Siç raportohet nga “Corriere dello Sport”, Mourinho u kontaktua nga një drejtor i Chelsea-t, i cili donte të diskutonte mundësinë që ai të merrte detyrën në Londrën Perëndimore, duke e shtuar atë në listën e kandidatëve të mundshëm.

Megjithatë, mediumi italian shkruan që “The Special One” e bëri të qartë se nuk kishte asnjë interes për këtë, duke dashur të takohej me pronarin Dan Friedkin dhe të qëndrojë me Romën.

Kujtojmë që trajneri portugez kishte qenë edhe në të kaluarën pjesë e Chelsea-t gjatë dy periudhave.

Ai arriti ta fitonte tre herë titullin e Premier Leauge, tre herë Kupën e Ligës dhe një herë FA Cup.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.