Ministri i Mbrojtjes i Republikës së Kosovës, Armend Mehaj, ka reaguar pas homazheve që Ministri i Mbrojtjes i Serbisë, Aleksandar Vulin i ka bërë ish presidentit serb, Sllobodan Millosheviç në përvjetorin e vdekjes së tij, duke thënë se kjo duhet të jetë alarm për Bashkimin Evropian (BE).
Mohimin e Masakrës së Reçakut dhe bërja e homazheve tek kapasapi i Ballkanit nga ana e Vulin-it dhe politikanëve të tjerë serb, janë vetëm provokime të radhës ka thënë Mehaj.
“Vulin, fyeu edhe gjithë ato viktima, civilë të pafajshëm, në Masakrën e Reçakut, që nënkupton se fyeu edhe gjithë viktimat e gjenocidit të urdhëruara nga “heroi” i tij, duke mohuar gjenocidin e forcave kriminale serbe mbi popullin shqiptar të Kosovë, për çka edhe u ndërhy nga aleanca e vendeve demokratike më 1999”.
Mehaj tutje ka thënë se kur një ministër i një qeverie të një shteti i cili aspiron në Bashkimin Evropian (BE), nderon dhe “glorifikon të bëmat e një krimineli, duhet të jetë alarm për qarqet politikëbërëse dhe vendimmarrëse të BE-së dhe gjithë botës perëndimore demokratike”.
“Ky është provokimi i tij i orkestruar i radhës, që nënkuptohet kërcënim ndaj Kosovës, Bosnjës e Kroacisë dhe popujve të tyre viktima të krimit të Serbisë së Millosheviqit, i cili përveç nga Vulin është lavdëruar edhe nga presidenti aktual i Serbisë, Vuçiq”, ka shkruar Mehaj në rrjetin social Facebook.
Paqja, siguria, stabiliteti dhe demokracia perëndimore sipas Mehaj, janë të zbehta me mendje e qasje të tilla antihumane.
“Kjo qasje djallëzore nuk shqetëson Republikën e Kosovës dhe popullin e saj i cili nuk harron kurrë sepse Liria dhe Pavarësia e saj, tanimë janë realitet i fuqishëm, dhe se shteti i Kosovës qëndron natyrshëm mbi bazamentin e vlerave euroatlantike”.
Mehaj ka thënë gjithashtu se në kohën kur e krejt bota demokratike po përjeton krimet e forcave ruse mbi popullin e Ukrainës, ministri serb Vulin po thurë elozhe duke bërë homazhe për “heroizmin” e “Kasapit të Ballkanit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Ekskluzive: Franca kërkon shtyrje të vendimit për anëtarësim të Kosovës në KiE
-
SHBA-të kundër pushtimit të Rafahut, pro armëpushimit dhe të shqetësuara për mbylljen e Al Jazeera në Izrael
-
Osmani: Investimet e MCC-së sollën përfitime të rëndësishme për popullin e Kosovës
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin