Ministri i Mbrojtjes, Ejup Maqedonci, ka bërë të ditur se në operacionin “Interflex”, janë trajnuar nga Forca e Sigurisë së Kosovës (FSK), rreth 34 mijë rekrutë.
Lajmin e ka bërë të ditur Maqedonci përmes një shkrimi në rrjetin social ‘Facebook’.
“Përkrah Mbretërisë së Bashkuar, Kosova si shtet pjesëmarrës në operacionin Interflex, përmes instruktorëve të FSK-së vazhdon të ofroj kontribut në trajnimin e rekrutëve ukrainas”.
“Deri më tani në këtë operacion janë trajnuar 34,000 rekrutë”, ka shkruar Maqedonci.
Më 12 janar, ministri i Mbrojtjes, Ejup Maqedonci, kishte bërë të ditur se gjatë muajit janar kontingjenti i Forcës së Sigurisë së Kosovës (FSK), do të zbarkojë në Mbretërinë e Bashkuar për operacionin INTERFLEX.
“Operacioni Interflex zhvillohet në Mbretërinë e Bashkuar, dhe ka për qëllim trajnimin e trupave të Ushtrisë së Ukrainës”.
Ministria e Mbrojtjes dhe Forca e Sigurisë së Kosovës kishte ofruar gatishmëri që të angazhojë instruktorë për të ndihmuar procesin e stërvitjes së ushtrisë ukrainase në kuadër të këtij operacioni.
Më 19 janar edhe presidentja e Kosovës, Vjosa Osmani, i kishte uruar suksese kontingjentit të ushtarëve të Forcës së Sigurisë së Kosovës (FSK), të cilët ishin nisur për në Mbretërinë e Bashkuar për operacionin “INTERFLEX”.
Ky operacion realizohet në mbështetje dhe përgatitje të personelit ushtarak të Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
AGK-ja reagon ndaj Bashës: VV-ja po i dëshmon në praktikë gjetjet e indeksit “Reporterët pa Kufij”
-
Një muaj paraburgim ndaj katër të dyshuarve për plagosjen në Podujevë
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar
-
Kurti sërish udhëton për në Gjermani
