Sulmuesi i Prishtinës, Gauthier Mankenda, është zgjedhur futbollisti më i mirë i xhiros së 28-të në BKT Superligën e Kosovës në futboll.
Sulmuesi anësor i bardhekaltërve pati paraqitje të shkëlqyeshme në fitoren tejet të rëndësishme të skuadrës së tij kundër Malishevës, me rezultat 3:2.
Ai përveç se shënoi golin e parë në ndeshje, në vazhdimësi u tregua i rrezikshëm për portën rivale dhe ishte mjaft kreativ në lojë.
Për Mankendan kjo është hera e parë që fiton çmimin “Ylli i Javës” në këtë edicion të garave.
Pas fitores ndaj Malishevës skuadra e Prishtinës është stabilizuar në renditje në pozitën e pestë, me 38 pikë.
Atij iu dha çmimi nga Federata e Futbollit të Kosovës, së bashku me sponsorin e Superligës, Bankën Kombëtare Tregare, që po vazhdojnë pas çdo jave të ndajnë çmimin “Ylli i Javës”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste