Manchester United thuhet se ka rritur interesin për mbrojtësin e Juventus-it, Gleison Bremer.
“Djajtë e Kuq” po përgatiten të nënshkruajnë të paktën një qendërmbrojtës gjatë merkatos së ardhshme, me Raphael Varane dhe Jonny Evans që të dy kanë kontrata deri në fund të sezonit.
E ardhmja e Victor Lindelof gjithashtu vihet në pikëpyetje, ndërsa një raport i fundit pretendonte se West Ham United mund të rindezë interesin për Harry Maguire.
Jarrad Branthwaite i Everton-it vazhdon të jetë i lidhur me një kalim në “Old Trafford”, ndërsa Real Madrid thuhet gjithashtu se është i vendosur në garë për nënshkrimin e tij.
Sipas “Tuttosport”, Bremer është shfaqur si një objektiv për Man United, me klubin “në rreshtin e pare” për reprezentuesin brazilian, i cili po tërheq interes edhe nga ekipet e tjera të Premier League.
Raporti pretendon se “Djajtë e Kuq” kanë sinjalizuar se janë të gatshëm të paguajnë 50 milionë euro për të nënshkruar me amerikanin jugor, por Juventus-i ka vendosur një vlerësim prej të paktën 60 milionë eurosh.
Bremer e filloi karrierën e tij profesionale me Atletico Mineiro përpara se të kalonte te klubi i Torino-s në 2018, dhe ai u paraqit në 110 raste për klubin italian përpara se Juventus-i ta nënshkruante atë në verën e 2022.
Qendërmbrojtësi ka luajtur 72 herë për “Zonjën e Vjetër” në të gjitha garat, duke shënuar shtatë gola dhe duke regjistruar një asistim në këtë proces.
Këtë sezon, Bremer ka dy gola në 29 paraqitje për gjigantët torinezë, dhe ai nënshkroi një zgjatje të kontratës në dhjetor, me kushtet e tij aktuale që do të zgjasin deri në verën e vitit 2028.
Juventus-i thuhet se dëshiron të mbajë mbrojtësin, por klubi do të dëgjojë seriozisht ofertat prej të paktën 60 milionë eurosh gjatë afatit kalimtar të verës.
Bremer ka luajtur tri herë për Brazilin dhe ai është në skuadrën e tyre për miqësoren e së shtunës me Anglinë në stadiumin “Wembley”.
Ndoshta vetëm Lisandro Martinez nga qendra aktuale e Man United është e garantuar të jetë në klub sezonin e ardhshëm, me të ardhmen e Varane, Evans, Lindelof dhe Maguire të gjithë të paqartë.
Skuadra e Erik ten Hag besohet të jetë e prirur për të rinovuar me Varane, por ish-futbollisti francez duhet të jetë i përgatitur për të pranuar një ulje pagash.
Evans gjithashtu ka luajtur më shumë se sa pritej këtë sezon, duke u paraqitur në 24 raste në të gjitha garat, dhe një marrëveshje e re njëvjeçare për 36-vjeçarin ende nuk është përjashtuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
