Manchester United do synojnë transferimin e Neymar këtë verë

Manchester United do të kërkojë të nënshkruajë me sulmuesin e Paris Saint-Germain, Neymar gjatë verës, nëse skuadra nga Old Trafford i shitet bankierit të Katarit, Sheikh Jassim bin Hamad Al-Thani, raporton Sun.

Sheikh Jassim është një nga dy ofertuesit e interesuar për të marrë kontrollin e United, ku thuhet se ai ka paraqitur një ofertë të tretë dhe të fundit për klubin.

Shitja do të ketë sukses pavarësisht shqetësimeve se pronarët aktualë, familja Glazer, janë të vendosur të qëndrojnë. Thuhet se Glazers e vlerësojnë klubin në 6 miliardë funte, në kundërshtim me ekspertët financiarë që e kanë vlerësuar klubin afër 3 miliardë funte.

Një blerje e suksesshme mund të bëjë që Djajtë e Kuq të ndryshojnë në mënyrë drastike planet e tyre për rekrutimin e verës, me raportin e Sun që sugjeron se Neymar është caktuar si një nënshkrim i mundshëm.

Braziliani ka dhuruar një tjetër sezon mbresëlënës për gjigantët francezë, duke shënuar 18 gola këtë sezon, megjithatë dëmtimet e përsëritura në kyçin e këmbës e kanë lënë PSG-në të gatshëm të ndahet me 31-vjeçarin këtë verë.

Neymar është nën kontratë në Parc des Princes deri në vitin 2025 që do të thotë se United do të duhet të gërmojë thellë në xhepat e tyre për të nënshkruar me anësorin, megjithatë, kjo nuk do të ishte një pengesë nëse marrja e tij realizohet.

Menaxheri i United, Erik ten Hag, besohet të jetë në treg për përforcime në sulm gjatë verës, pasi ai kërkon të ndërtojë një ekip që mund të konkurrojë për Premier League sezonin e ardhshëm.

Harry Kane i Tottenham Hotspur dhe Victor Osimhen i Napolit gjithashtu janë lidhur shumë me një lëvizje në Old Trafford muajt e fundit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.