Ministrja e Shëndetësisë dhe Mbrojtjes Sociale, Ogerta Manastirliu, gjatë ditës së martë, vizitoi spitalin e Covid 1. Aty ku, një vit më parë, nisi përballja e vështirë me pandeminë e Covid-19.
Manastirliu theksoi faktin se, me punën dhe përkushtimin e mjekëve dhe infermierëve, ia kanë dalë mbanë të mbajnë situatën nën kontroll, duke e përballuar me dinjitetin sfidën që njerëzimi e ndesh një herë në 100 vite.
“Mbështesim vijën e parë të frontit. Ne kemi krijuar një bonus të veçantë për këta punonjës”.
Ministrja tha se spitalet e kanë rritur kapacitetin, duke dyfishuar gjithashtu dhe aparaturat mjekësore.
“Drita në fund të tunelit sa vjen e bëhet më e qartë, me vijimin e vaksinimit anti-Covid”.
Ajo bëri me dije se ky proces do të vazhdojë pa u ndalur, derisa çdo qytetar të marrë dozën e vaksinës.
“Çdo qytetar do të mbrohet nga virusi i rrezikshëm deri në zmbrapsjen përfundimtare të pandemisë”.
Ajo shprehu ngushëllimet për jetët e humbura në Shqipëri për shkak të coronavirusit.
“Bilanci sigurisht është i dhimbshëm, kemi 1 mijë e 956 jetë të humbura, por për fat kemi shpëtuar shumë të tjerë”.
“Punë dhe sakrificë. Kërkon bashkëpunimin e qytetarëve. Falënderim i madh për ekipin që ka treguar forcë përkushtim dhe profesionalizëm për të menaxhuar situatën”, e përmbylli Manastirliu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’
-
Wisner nga Kukësi: Presim përparim për hidrocentralin e Skavicës
-
Shqipëria, Britania e Madhe dhe Kosova nënshkruajnë deklaratë bashkëpunimi kundër migracionit të paligjshëm
-
Saathoff takim me Dumanin: SPAK, institucion kyç për integrimin e Shqipërisë në BE
