Presidenti i Francës, Emmanuel Macron njoftoi se do të forcojë ligjet ndaj inçestit. Debati për inçestin filloi pas publikimit të librit të juristes, Camille Kouchner. Në këtë libër ajo akuzon politikanin, Olivier Duhamel se ka abuzuar seksualisht me vëllain e saj.
Macron njofton në llogarinë e tij në Twitter se Franca do të adaptojë ligjet me qëllim që të mbrojë më mirë fëmijët nga dhuna seksuale. Ai njofton se i ka kërkuar Ministrit të Drejtësisë të vepronte sa më shpejt për të vijuar me propozimet legjislative.
Presidenti pohoi se Franca tashmë ka rritur statutin e kufizimeve të inçestit në 30 vite, nisur nga mosha madhore e viktimës. Macron shtoi se janë përforcuar kontrollet për njerëzit që punojnë me fëmijët, por duhet bërë shumë më tepër.
“Si pjesë e ekzaminimeve të zakonshme mjekësore rutinë për fëmijët, Franca do të prezantojë seanca rreth incestit në shkollat fillore dhe të mesme në mënyrë që t’u japë fëmijëve një shans për të folur rreth kësaj çështjeje”, njoftoi kreu i shtetit.
Ai gjithashtu tha që një ndihmë më e mirë psikologjike për viktimat e inçestit do të vihet në dispozicion dhe do të rimbursohet nga sigurimet shoqërore.
“Do të ndjekim agresorët”, shton Macron-i.
Ces témoignages, ces paroles, ces cris, plus personne ne peut les ignorer. Contre les violences sexuelles faites à nos enfants, c’est aujourd’hui à nous d’agir : https://t.co/QcCSo4o528
— Emmanuel Macron (@EmmanuelMacron) January 23, 2021
Gjatë javëve të fundit, qindra njerëz kanë shkruar në mediat sociale për të treguar historitë e tyre të inçestit. Kjo ndodhi pas botimit të librit « La Familia grande ».
Në këtë libër akuzohet profesori francez dhe specialisti i kushtetutës, Olivier Duhamel, se ka abuzuar me djalin e bashkëshortes së tij. Ata shkruajnë se kanë qenë viktima të abuzimimeve seksuale, gjatë moshës pesë, tetë ose 13 vjeçare nga babai, gjyshi, vëllai, xhaxhai apo kushëriri i tyre. Mijëra Tweet-e janë ” La Familia grande ” publikuar me hashtag-un #metooinceste.
Libri është shkruar nga vajza e bashkëshortes së Duhamel-it, Camille Kouchner. Camille është vajza e ish-ministrit të jashtëm dhe themeluesit të OJQ-së , Médecins Sans Frontières, Bernard Kouchner. Duhamel-i dha dorëheqjen në fillim të muajit nga posti i tij duke mbikëqyrur Science Po, një nga universitetet më të mira të Francës, pas botimit të librit.
Pas botimit të librit njohësi i famshëm i kushtetutës dha dorëheqjen nga Fondacioni Kombëtar për Shkencat Politike, një nga universitetet më të mira të Francës.
“Duke u bërë objekt i sulmeve personale dhe duke dashur të ruaj institucionet në të cilat punoj, dorëhiqem nga funksionet e mia,” shkruan ai në Twitter, më 4 janar.
As Duhamel-i dhe as avokati i tij nuk kanë komentuar akuzat që datojnë që nga vitet 1980.
Kjo deklaratë e kreut të shtetit, vjen 2 javë pas hetimit të hapur nga Prokuroria e Parisit për “dhunim dhe abuzim seksual” ndaj politologut, Olivier Duhamel. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com