Lucas Hernandez është transferimi më i fundit i skuadrës së Paris Saint-Germain për këtë verë.
Anësori francez kishte arritur marrëveshje me PSG-në prej disa ditësh, por transferimi u zyrtarizua sot (e diele, 9 korrik), duke nënshkruar kontratë të vlefshme deri në verën e vitit 2028.
Transferimi i tij u bë nga Bayern Munich, të cilët përfituan shumën e 45 milionë eurove për kartonin e futbollistit 27-vjeçar.
Paris Saint-Germain is delighted to announce the signing of Lucas Hernández.
The French international defender has signed a five-year contract with the Club.
— Paris Saint-Germain (@PSG_English) July 9, 2023
Mbrojtësi anësor ishte pjesë e Bayern-it që nga viti 2019 kur ishte transferuar nga Atletico Madrid-i për shumën e 80 milionë eurove.
Sezoni i kaluar ishte i pafat për futbollistin që pësoi dëmtim në Kupën e Botës në Katar, andaj bëri vetëm 11 paraqitje me Bayern-in në të gjitha garat, prej të cilave shënoi dhe asistoi nga njëherë.
Kujtojmë që Hernandez është transferimi i pestë i Parisit gjatë kësaj vere, të cilët më herët transferuan Milan Skriniar, Manuel Ugarte, Marco Asensio dhe Kang-In Lee.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
