Me ftesë të deputetit të Parlamentit Evropian, Lukas Mandl, kryeministri i Kosovës, Albin Kurti, nëpërmjet një lidhje direkte iu adresua deputetëve të Parlamentit Evropian të cilët po merrnin pjesë në diskutimin e organizuar nga deputeti Mandl me temë “Aplikimi i Kosovës për anëtarësim në BE: Si do të jetë një sukses për të gjithë Evropën”.
“Besimi se momenti është i duhur duke marrë parasysh faktin se Kosova është vendi më demokratik në rajon”, tha Kurti.
Ai ka theksuar se “Kosova është vendi i fundit në Ballkanin Perëndimor që aplikon për anëtarësim”.
“Së pari, vendimi për aplikim në Bashkimin Evropian i përgjigjet thirrjes dhe aspiratave të qytetarëve të Republikës që thellësisht besojnë se e ardhmja e tyre është në Bashkimin Evropian, theksoi ai.
Sipas Kurtit, aplikimi përmbush dhe synon që ta realizojë premtimin e BE-së gati 20 vjet më parë në Samitin e Selanikut, dhe tash së fundmi në Samitin e Tiranës për një proces të përshpejtuar të anëtarësimit.
Në këtë diskutim pjesëmarrës ishin edhe deputeti i Kuvendit të Republikës së Kosovës, njëherësh kryetari i Komisionit Parlamentar për Politikë të Jashtme, Haki Abazi, raportuesja e Parlamentit Evropian për Kosovë, Viola Von Cramon dhe nënkryetarja e Komisionit për Politikë të Jashtme, Zeljana Zovko.
Kurti theksoi javën e kaluar se para Krishtlindjeve, Kosova do të aplikojë për statusin e vendit kandidat.
“Zgjerimi i paqes dhe prosperitetit është thelbësor për BE-në. BE-ja duhet t’i qëndrojë besnike këtij thelbi. Zgjerimi duhet të shkojë paralelisht me konsolidimin e brendshëm. Njëra nuk duhet të përjashtojë tjetrën”.
“Kemi nevojë për proces të përshpejtuar për anëtarësim në BE, nuk mjafton perspektiva në BE. Është e vështirë të mobilizohen njerëzit nëse nuk ka afate të qarta kohore drejt anëtarësimit”, shtoi Kurti në një panel diskutimi në Samitin e Liderëve të Socialistëve dhe Demokratëve të Ballkanit Perëndimor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’