Kurti, Abbott-it: Mbështetja e Mbretërisë së Bashkuar luajti rol kyç në ndaljen e gjenocidit serb në Kosovë
Kryeministri i Kosovës, Albin Kurti, është takuar me ambasadorin e Mbretërisë së Bashkuar, Nicholas Abbott, me të cilin ka diskutuar për rëndësinë e 25 vjetorit të ndërhyrjes së NATO-së.
Përmes një komunikate për media është thënë se ky takim u realizua në kuadër të takimit lamtumirës të ambasadorit Abbott.
“U përmend dhe rëndësia që shënon ky vit në 25-vjetorin e ndërhyrjes së NATO-s, ku mbështetja e Mbretërisë së Bashkuar dhe ajo e shumë individëve luajti rol kyç në ndaljen e gjenocidit të Serbisë në Kosovë”, thuhet në komunikatë për media.
Sipas Kurtit, ambasadori Abbott ka kontribuar në mënyrë të çmueshme në ruajtjen dhe thellimin e marrëdhënieve mes Kosovës dhe Mbretërisë së Bashkuar.
“Si vend aleat dhe partner, ajo do të vazhdojë dhe me ambasadorin e ardhshëm”.
“Kryeministri Kurti gjithashtu e uroi ambasadorin Abbott për detyrën e tij të radhës dhe i dëshiroi suksese të mëtejme”.
Më 8 shkurt, ministrja e Punëve të Jashtme dhe Diasporës, Donika Gërvalla, kishte pritur në takim lamtumirës ambasadorin britanik në Kosovë, Nicholas Abbott, ku e ka vlerësuar lart mbështetjen e vazhdueshme që Mbretëria e Bashkuar i ka dhënë Kosovës.
Ajo përmes një komunikate dërguar mediave ka thënë se shërbimi i Abbott në Kosovë ishte “i shkelqyeshëm”.
Po ashtu edhe më 6 shkurt, zëvendëskryeministri i parë i Kosovës, Besnik Bislimin, ka pritur në takim ambasadorin Abbott.
Me ç’rast kishin diskutuar për rregulloren e re të Bankës Qendrore të Kosovës që ndaloi përdorimin e valutës shtetërore serbe dinarin në territorin e Kosovës.
Diplomati britanik ndër të tjera ka njoftuar se me Bislimi është diskutuar edhe për bashkëpunimin e suksesshëm ndërmjet Mbretërisë së Bashkuar dhe Kosovës në fushën e forcimit të administratës tatimore dhe doganave të Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aksident tragjik në Durrës – Vritet në vendngjarje çiklisti, shoferi arratiset
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar
-
UEFA vendos të lejojë kombëtaret të marrin 26 lojtarë në Euro 2024
-
Ahmeti: Kasami më 8 maj ta hedh peshqirin e bardhë, të mos marrë nokaut