Të premten e 6 gushtit, në ambientet e Autoritetit të Mediave Audiovizive (AMA), është zhvilluar një takim mes ambasadorit – njëkohësisht kryetarit të Prezencës së OSBE-së në Shqipëri, Vincenzo Del Monaco, dhe kryetares së re të AMA-s, Armela Krasniqi.
Sipas njoftimit të zyrës së OSBE-së temat e diskutimit të takimit mes palëve ishin përparësitë e medias dhe mbështetjet për projekte të ardhshme.
Ky takim është i pari – pas konfrontimeve të faktorit ndërkombëtar – lidhur me zgjedhjen e Krasniqit në krye të AMA-s.
Më herët, gjatë muajit korrik, Organizata për Siguri dhe Bashkëpunim (OSBE/ODIHR) në Tiranë reagoi pas kërkesës së Delegacionit të Bashkimit Evropian në Tiranë, për shtyrjen asokohe – të zgjedhjes së kryetarit të ri të AMA-s.
Përmes një postimi në Twitter, OSBE theksonte nevojën e një procesi gjithëpërfshirës, pjesëmarrës dhe transparent për emërimin e kryetarit dhe anëtarëve të rinj të AMA-s.
“Ne kemi qenë në kontakt me aktorët përkatës duke theksuar nevojën për një organ të pavarur rregullator të mediave”.
Gjithashtu në fund të statusit shkruhej se OSBE-ja kujdeset për t’u siguruar që AMA do të mund të përmbushë në rastin më të mirë, “misionin e saj”.
Reagimet ndërkombetare
Armela Krasniqi u zgjodh më 7 korrik si kryetarja e re e AMA-s me 83 vota pro, por gjatë punimeve të kuvendit, të shumta qenë reagimet e ndërkombëtarëve.
Që në mëngjesin e 7 korrikut, delegacioni i Bashkimit Evropian kërkoi shtyrjen e zgjedhjes së kryetarit të Autoritetit të Medias Audiovizive (AMA) në legjislaturën e ardhshme.
Trupi diplomatik i Britanisë së Madhe në Shqipëri reagoi gjithashtu për zgjedhjen e kryetarit të ri të Autoritetit të Mediave Audiovizive (AMA) në median sociale Twitter.
Në tweet shkruhej se Ambasada Britanike i bashkohej thirrjes së ndërkombëtarëve për të siguruar pavarësinë e AMA-s, përmes emërimit të kandidatëve jo-partiakë për strukturat kryesore të saj drejtuese.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE
