Majlinda Kelmendi, gjatë mëngjesit të sotëm, u eliminua nga ‘Tokyo 2020’ pas humbjes në raundin e parë.
Kampionja e shumëfishtë botërore, evropiane, medalistja e artë, e para në histori të Kosovës, në Tokyo s’e vazhdoi mirë.
Por, përkundër të gjithave, mesazhet për të kanë qenë pozitive dhe mbështetëse.
Plot kanë kujtuar sukseset e saj, duke e falënderuar për gjithë çfarë ka bërë për Kosovën.
Ndër ta, ishte dhe trajneri Driton Kuka, që me një mesazh shumë emocionues, i drejtoi Majlindës disa fjalë të bukura dhe prekëse.
“Krenaria e veprimtarisë time”.
“Majlinda të falenderoj për jetë!”
“Do jesh gjithmonë Kampione Olimpike, Botërore e Evropiane!”
“Sot mos u hidhëro, puna e sakrifica, djersa e gjaku që ke derdhur për veten tande, për mua, familjet tona, popullin shqiptar t’u ka shpërblyer gjatë karrieres”.
“Mos u hidhëro se e arta e Disit është e të gjithë neve e ekipit tonë”.
“Mos u hidhëro sot të lutem, kokën lartë se aq shumë gëzime i ke dhuruar popullit Shqiptar!”
“Zoti të ka shpërblyer punën tande, lëndimet ishin sfida që aq shumë të munduan ty fizikisht e mua shpirtnisht”.
“Kokën lartë Majlinda”
“Krenar me ty deri në frymën time të fundit…”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com