Kombëtarja U19 e Kosovës në konkurrencën e fmerave i ka nisur me këmbë të mbarë kualifikimet në Kampionatin Evropian, duke e deklasuar atë të Gjibraltarit me rezultat 7:0.
Vashat e reja kosovare e zhbllokuan rezultatin që në minutën e pestë, kur realizoi Flondra Behrami.
Në minutën e 18-të, Behrami shënoi edhe golin e dytë, derisa dy gola po në pjesën e parë i shënoi edhe Albulena Guri.
Për 5:0 u përkujdes Elma Kadriu, që shënoi nga penalltia në minutën e 49-të, ndërsa golat nuk u ndalën me kaq.
Goli i gjashtë u shënua nga Erisa Popaj në minutën e 84-të, për të pasuar me të shtatin që u realizuar prej Vesa Paçarizi në minutën e parë shtesë.
Kosova U-19 është lidere me këtë fitore me tre pikë në Grupin 5 të Ligës B, derisa aty bën pjesë edhe Bullgaria.
Kujtojmë se fitueset e shtatë grupeve të Ligës B, do të promovohen në Ligën A, ku do t’i vazhdojnë kualifikimet në kuadër të raundit të dytë.
Ndeshjen e ardhshme, Kosova do ta luajë kundër Bullgarisë më 14 nëntor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
