Klubi italian, Spezia, thuhet se i ka refuzuar 22 milionë euro nga Borussia Dortmund-i, të cilët i ofruan për shërbimet e mbrojtësit 22-vjeçar, Jakub Kiwior.
Qendërmbrojtësi polak ka impresionuar me paraqitjet e tij me klubin e Spezia-s, që nga transferimi i tij në gusht të vitit 2021.
Ai i kushtoi Spezia-s vetëm 2.2 milionë euro, por tashmë ka tejkaluar pritshmëritë në Serie A dhe tërhoqi vëmendjen e një sërë klubesh, me Juventus-in dhe Milan-in që kryesojnë garën për mbrojtësin.
TMW – Il Borussia Dortmund ci prova, lo Spezia fa muro: no a un'offerta da 22 milioni per Kiwior https://t.co/fAwFyBoXP2
— TUTTOmercatoWEB (@TuttoMercatoWeb) January 17, 2023
Siç raportohet nga “Tuttomercato”, Borussia Dortmund nisi një lëvizje konkrete për Kiwior dhe i propozoi një ofertë totale prej 22 milionë euro Spezia-s për qendërmbrojtësin, e cila u refuzua.
Italianët janë të bindur se mund të fitojnë pak më shumë nga shitja e talentit të tyre, i cili ka kontratë me klubin deri në vitin 2025.
Në anën tjetër, “TMW” raporton se gjatë verës së ardhshme pritet të jetë një garë e nxehtë mes Juventus-it dhe Milan-it për shërbimet e Kiwior.
Paraqitjet e 22-vjeçarit me Spezia-n, kanë bërë që ai të ftohet edhe nga ekipi kombëtar i Polonisë, madje ai ishte i ftuar në Kupën e Botës, ku në katër ndeshjet e polakëve luajti si titullar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com