Jurgen Klopp thotë se do të punojë me skuadrën që ka pasi Liverpool përjashtoi një lëvizje verore për anglezin Jude Bellingham.
Reds ishin lidhur shumë me mesfushorin e Borussia Dortmund, por nuk do të ndjekin një lëvizje për shkak të parave.
Menaxheri Klopp e krahasoi atë me një pesëvjeçar që kërkonte një Ferrari për Krishtlindje.
“Nuk do të thoshit “oh kjo është një ide e mirë”, tha 55-vjeçari gjerman.
“Ju do të thoni ‘jo, është shumë e shtrenjtë dhe gjithsesi, nuk mund ta vozitësh’. Nëse ky fëmijë do mërzitej pasi nuk mund të marrë një Ferrari, atëherë e gjithë jeta e tij do ishte e trishtuar.
“Ju shikoni se çfarë mund të bëni dhe punoni me këtë.
“Atë që kemi nevojë dhe atë që duam, ne përpiqemi absolutisht gjithçka për ta marrë atë, por ka momente kur duhet të pranoni që kjo apo ajo nuk është e mundur për ne, ju largoheni dhe bëni gjëra të ndryshme”.
Liverpool do të ketë Luis Diaz në dispozicion kur të përballet me Leeds United në Elland Road të hënën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
