Modelja, Khloe Kardashian tanimë është gati t’i rikthehet romancave, kjo pasi që në episodin e fundit të “The Kardashians”, ajo ka folur për një mashkull të ri në jetën e saj, që i kishte rënë në sy teksa përkrahte Kim Kardashian në shfaqjen e saj të modës Dolce & Gabbana në Milano.
Ashtu siç u bë e ditur në episodin e javës së kaluar, plani i Kim ishte të lidhte Khloe me aktorin e “365 Days”, Michele Morrone.
Sapo Khloe e kuptoi këtë, ajo u pajtua me propozimin, me dëshirë të veçantë që të ndihmonte veten për t’i larguar mendimet për ish-partnerin e saj, Tristan Thompson.
“Unë mendoj se ai është superior. Ai është si një burrë dhe unë dua një burrë të mirë. Ai është padyshim i nxehtë, i gjatë dhe muskuloz”, ka thënë Khloe.
“Kam pasur një vit pak të vështirë, kështu që jam e emocionuar që jam në një mjedis të ri dhe kam energji të re”, ka shtuar ajo.
Pasi Khloe dhe Michele, u ulën pranë njëri-tjetrit në shfaqjen e javës së modës në Milano për koleksionin pranverë/verë 2023 të Dolce & Gabbana, ajo e prezantoi atë me miqtë e saj në prapaskenë.
“E kam dëgjuar se jam në një martesë të rregulluar”, u ka thënë Khloe miqve të saj të grupit përpara se të sillte La La Anthony, Natalie Halcro dhe Olivia Pierson për të takuar Michele.
Një fotografi e dyshes ka bërë xhiron e rrjetit, kjo nuk shpëtoi pa u komentuar nga Khloe.
“Është si kudo dhe nuk më intereson, sepse është shumë qesharake”, tha ajo për foton me Michele, derisa ka zbuluar se ishte vet aktori ai që e kishte postuar imazhin në mediat sociale.
Në një rrëfim, Kim bëri shaka për bujën e mediave sociale. “Pjesa më qesharake është se i gjithë interneti mendon se ata janë bashkë”, tha ajo.
“Nuk e kisha idenë se njerëzit e dinin vërtet se kush ishte ky djalë dhe janë të fiksuar pas tij. Khloe, ndoshta dëshiron të na vrasë duke menduar se ne e kemi komplotuar plotësisht këtë. Nuk mund të kishim kërkuar që kjo të shkonte më mirë”, ka përfunduar ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kërkohet vazhdimi i masës së paraburgimit ndaj Jakup Krasniqit