Kanadaja po përballet gjithnjë e më shumë me sulme kibernetike në infrastrukturën e saj kritike

Ministrja kanadeze e Mbrojtjes Anita Anand tha se infrastruktura kritike e vendit po shënjestrohet gjithnjë e më shumë nga sulmet kibernetike.

Kjo, duke paraqitur një kërcënim të rëndësishëm për ekonominë e prodhuesit të katërt më të madh të naftës së papërpunuar në botë.

Lajmi u bë i ditur nga agjencia britanike “Reuters”.

Anand vëren se ka pasur një rritje të sulmeve kibernetike në Amerikën e Veriut, por ajo nuk i ka lidhur këto sulme me ndonjë aktor qeveritar.

“Ne kemi parë sulme në infrastrukturën kritike në vendin tonë dhe jemi shumë të vetëdijshëm për të këshilluar organizatat kanadeze dhe kompanitë kanadeze që të marrin masa zbutëse”, tha Anand.

Muajin e kaluar, Departamenti Amerikan i Shtetit paralajmëroi se Kina mund të nisë sulme kibernetike ndaj tubacioneve të naftës dhe gazit dhe sistemeve hekurudhore, pasi studiuesit zbuluan se një grup hakerësh kinez kishte spiunuar në rrjete të tilla.

Kanadaja është shtëpia e një numri tubacionesh kryesore të naftës që janë thelbësore për furnizimin global të lëndëve të para.

Kompanitë transnacionale të energjisë si Exxon Mobil (XOM.N) dhe Royal Dutch Shell (SHEL.L) kanë operacione të mëdha në vend.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.