Britaniku Josh Warrington nokautoi në mënyrë sensacionale Kiko Martinez-in të Spanjës në raundin e shtatë për t’u shpallur për herë të dytë kampion i IBF-së në pesha të lehta.
Gjatë mbrëmjes të së shtunës në Leeds, 31 vjeçari shfaqi një ndeshje madhështore para publikut të tij, duke e shkatërruar spanjollin Martinez.
Mirëpo, kjo fitore nuk doli të jetë aq e lehtë për Warrington-in, pasi që ai theu nofullën gjatë kësaj ndeshjeje.
WARRINGTON KO'S KIKO 💥#MartinezWarrington2 pic.twitter.com/tPsJAmJb14
— DAZN Boxing (@DAZNBoxing) March 26, 2022
Menjëherë pasi përfundoi meçi, Warrington u dërgua me urgjencë në spital nga frika se kishte pësuar lëndime të rënda.
Dhe ato u vërtetuan me një skanim, të cilat i publikoi promovuesi Eddie Hearn, i cili përmes një foto të publikuar rreth orës 4 të mëngjesit, konfirmoi thyerjen e nofullës të Warrington-it.
Së bashku me fotografinë e publikuar, Hearn shkroi: “Konfirmoj nga spitali se Josh ka thyer nofullën në fitoren e mahnitshme të tij ndaj Kiko Martinez-it”.
Kujtojmë që dy boksierët ishin takuar në një meç edhe gjatë vitit 2017, dhe Warrington kishte fituar me pikë pas 12 raundeve.
Por, Martinez i kishte kërkuar ‘rematch’ menjëherë pas meçit, i cili nuk ndodhi deri në mbrëmjen e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Qendrat italiane në Shqipëri, Medihospes fiton kontratën e 133 milionë eurove
-
Brenda ekstremit të djathtë të Gjermanisë
-
Kurti e cilëson “absurde” kërkesën e Francës dhe Gjermanisë për dërgimin e draftstatutit të Asociacionit në Kushtetuese para anëtarësimit në KiE