Muzikë

Jack Antonoff nuk pranon të zbulojë nëse është duke punuar në albumin e ardhshëm të Taylor Swift-it


Muzikanti amerikan Jack Antonoff po qëndron i mbyllur në ndarjen e informacioneve kur bëhet fjalë për me albumin e ri të mikes së tij të mirë, këngëtares Taylor Swift.

Kompozitori dhe producenti i këngëve, 39 vjeç, përfundoi shpejt një intervistë me gazetën holandeze NRC, transmeton AlbanianPost, pasi u pyet nëse po punonte në albumin e 11-të në studio të Swift, “Tortured Poets Department”, i cili është planifikuar të dalë më 19 prill.

“Ju e dini që unë nuk flas për këtë. Nëse jeni duke kërkuar për klikime, keni ardhur në vendin e gabuar. Faleminderit për këtë bisedë”, tha Antonoff para se të dilte papritur nga biseda.

Sidoqoftë, përpara se të largohej, Antonoff nuk u shmang plotësisht të përmendte shoqen e tij.

Ai tregoi se si muzika në projektin e tij të fundit “Bleachers” krahasohet me muzikën që ai ka prodhuar për këngëtaren e “Cruel Summer”.

“Unë krijoj muzikë me miqtë e mi. Ajo vjen si vjen. Unë nuk jam lloji i producentit që i pëlqen të japë komanda nga pas. Shqetësohem për vetë muzikën; mënyra në të cilën ju mund të menaxhoni procesin krijues”, shpjegoi ai.

“Suksesi është një fenomen i çuditshëm. Ajo largon vëmendjen nga mekanizmat e zakonshëm që çojnë në muzikë të mirë pop. Të jesh në gjendje të dëgjosh mirë njëri-tjetrin është një gjë. Punoj me artistët kam besim se mund t’i ndihmoj ta bëjnë muzikën e tyre më të mirë”, ka shtuar ai.

Swift fillimisht njoftoi albumin e saj të ri në shkurt, në ceremoninë e “Grammy 2024”, ku fitoi për albumin më të mirë vokal pop për “Midnights”, të cilin Antonoff e bashkëprodhoi, teksa poashtu shkroi 12 nga 13 këngët në LP.

Nuk kaloi shumë kohë para se fansat filluan të spekulonin se titulli i albumit mund të ishte një shenjë për ish të dashurin e saj Joe Alwyn dhe bisedën në grup që aktori ndau me miqtë e tij Paul Mescal dhe Andrew Scott – me titull “Tortured Man Club”.

Alwyn, 33 vjeç dhe Swift u ndanë në prill të vitit 2023 pas lidhjes për më shumë se gjashtë vjet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore