Zyrtarizimi do të mbërrijë në 27 Janar, por burime nga Komiteti Olimpik Kombëtar thonë se vendimi është marrë. Atletët italianë do të marrin pjesë si të pavarur
Data e caktuar është 27 janari. Vetëm atëherë Komiteti Olimpik Ndërkombëtar, gjatë takimit të ekzekutivit të tij në Tokio (Japoni), do të shprehet zyrtarisht për çeshtjen e Italisë. Megjithatë, sipas gazetës La Repubblica, Komiteti Ndërkombëtar Olimpik (International Olympic Cometee/IOC) tashmë ka vendosur: CONI (Comitato Olimpico Nazionale Italiano/Komiteti Olimpik Kombëtar Italian) do të pezullohet. Atletët italianë do të garojnë në Olimpiadën e ardhshme pa flamur kombëtar, por si sportistë të pavarur. Në listen e të pezulluarve nga IOC është edhe Rusia e Bjellorusia.
Një pezullim do të rezultojë gjithashtu në një ndalim të financimit me një ndikim të drejtpërdrejtë në organizimin e Lojërave Olimpike Milano-Cortina 2026. Qeverisë i mbetet vetëm një mundësi për të shmangur përjashtimin historik: mbledhja e Këshillit të Ministrave brenda 24 orëve dhe miratimi i një dekret-kursimi të CONI-t.
Në qendër të mosmarrëveshjes midis Italisë dhe Komitetit Olimpik Ndërkombëtar është reforma sportive e qeverisë Conte e cila privoi Coni-n nga një pjesë e autonomisë së tij. Disa herë në muajt e fundit, IOC e ka ftuar Italinë të ndërmarrë një ndryshim sa më shpejt të jetë e mundur për të respektuar Kartën Olimpike dhe autonominë e CONI-t./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet