Sulmuesi i njohur i Crystal Palace, Wilfred Zaha, do të jetë përforcimi i radhës i skuadrës arabe, Al Nassr.
Futbollistit nga Bregu i Fildishtë i skadon kontrata me klubin anglez në qershorin e ardhshëm dhe thuhet se ai e ka dhënë dritën jeshile për një transferim në kampionatin e Arabisë Saudite.
Raportohet se në drejtim të ish-sulmuesit të Manchester United-it ka ardhur një ofertë e majme nga klubi i Cristiano Ronaldo-s, por nuk janë dhënë shifra nga mediat e huaja.
Zaha kishte qenë i lidhur edhe me një lëvizje drejt Arsenal-it apo Milan-it, por siç duket ai do t’i bashkohet Ronaldo-s.
Kujtojmë që sulmuesi afrikan gjithë karrierën e tij e kaloi në futbollin anglez, i cili doli nga akademia e Crystal Palace.
Ai u ble nga Manchester United-i në verën e vitit 2013 për 12 milionë euro, por më pas më shumë qëndroi i huazuar te skuadra e Palace.
Me fanellën e Crystal Palace, Zaha ka luajtur 450 ndeshje në të gjitha garat, prej të cilave ka shënuar 89 gola dhe ka dhuruar 76 asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave