Situata e përshkallëzuar në Veri të Kosovës, beson ish-presidenti i Serbisë, Boris Tadiç, tashmë kryetari i Partisë Socialdemokrate, i shkon përshtati edhe kryeministrit të Kosovës, Albin Kurtit edhe presidentit të Serbisë, Aleksandër Vuçiç-it.
Për të është e qartë se Kurti dhe Vuçiç si dy populistë po ushqehen nga krizat dhe se në këso situata të dy liderët “janë jashtëzakonisht të dobishëm për njëri-tjetrin”.
“Kur policia speciale e Kosovës ‘pushton’ veriun, Vuçiç e përdor atë si justifikim për të thënë: ‘Mos protestoni në Beograd’… E njëjta gjë vlen edhe për Kurtin, i cili është duke u përpjekur të ruajë kohezionin e elektoratit të tij. Ne kemi dy politika që kanë një pikë kontakti, përkundër faktit se në dukje janë të kundërta, ato në fakt korrespondojnë me njëra-tjetrën për kohezionin e brendshëm”, ka potencuar politikani serb, transmeton mediumi opozitar serb, Danas.
Tadiç ka theksuar gjithashtu se situata e tensionuar në Veri të Kosovës në të njëjtën kohë po dobëson pozitën edhe të Kosovës dhe të Serbisë në terma afatgjatë kur në pyetje është procesi i dialogut.
“Kur komuniteti ndërkombëtar të humbasë durimin, do të imponojë një zgjidhje që në fund nuk do t’i përshtatet askujt. Unë i dëgjoj fjalët e përfaqësuesve ndërkombëtarë, ata janë të gjithë të pakënaqur me mënyrën se si po shkojnë gjërat”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
-
Një person sulmoi Policinë e Kosovës dhe KFOR-in në Leposaviq, të dyshuarit iu gjet një xhaketë ushtarake me emblemë serbe
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Beleri ankimon vendimin e GJKKO-së