Inter-i mund të përfshijë Valentin Carboni-n në një marrëveshje shkëmbimi të lojtarëve plus para për Joshua Zirkzee, por zikaltërit gjithashtu mund të heqin dorë nga Giovanni Fabbian.
Inter-i i është bashkuar garës për të nënshkruar me yllin e Bologna-s Zirkzee dhe “La Gazzetta dello Sport” shpjegon strategjinë e mundshme të tyre për të nënshkruar me sulmuesin holandez në verë.
Gazeta thotë se Carboni është një futbollist që Inter-i është i gatshëm të përfshijë në një marrëveshje shkëmbimi lojtarësh plus para për të ulur çmimin e Zirkzee, i cili do të kushtojë 50 milionë euro në verë.
Carboni aktualisht është i huazuar te Monza, ku ka shënuar dy gola dhe ka dhënë katër asistime në 27 paraqitje në të gjitha garat.
Sipas “Gazzetta”-s, Fabbian është një tjetër lojtar që mund të përfshihet në negociata edhe nëse, në këtë rast, nuk do të ishte një marrëveshje e vërtetë shkëmbimi.
Bologna, në fakt, nënshkroi 20-vjeçarin nga Inter-i në një transferim të përhershëm verën e kaluar, por zikaltërit kanë një opsion për të ri-nënshkruar mesfushorin premtues për 12 milionë euro në 2025.
Ndërkohë, Bologna nuk mund ta shesë lojtarin në ndonjë klub tjetër, kështu që Inter-i mund të pranojë anulimin e kësaj klauzole dhe marrjen e Zirkzee për një tarifë më të ulët.
Milan-i dhe Arsenal-i janë gjithashtu të interesuar për Zirkzee dhe “Gazzetta” raportoi të mërkurën se “Topçinjtë” ishin gati t’i ofronin sulmuesit holandez një kontratë 6 milionë euro në sezon deri në vitin 2029.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës