Mbrojtësi i Kombëtares së Shqipërisë, Elseid Hysaj, ka arritur marrëveshje për t’u transferuar te skuadra italiane, Lazio.
Sipas mediave italiane, Hysaj do të jetë dhurata e parë e trajnerit Maurizio Sarri-t, i cili para disa ditësh, është emëruar trajner i ri i Lazio-s.
Mbrojtësi shqiptar do të transferohet me parametra zero, pasi kontrata e tij me Napolin i skadon më 30 qershor.
Gjithnjë sipas mediave italiane, Hysaj do të përfitojë te skuadra e Lazios një pagë vjetore prej 1.7 milionë euro në sezon.
Hysaj dhe trajneri Sarri kanë një marrëdhënie shumë të mirë mes tyre.
Sarri e ka pasur nën urdhrat e tij 27-vjeçarin që në kohët kur të dy ishin pjesë e Empoli-t e më pas te Napoli.
Me Sarrin trajner, Hysaj ka zhvilluar plot 223 ndeshje, duke qenë titullar i padiskutueshëm.
Ndërsa kujtojmë që shkodrani ishte dëshira kryesore e trajnerit Sarri, që kur mori drejtimin e Napolit.
Hysaj u transferua nga Empoli në Napoli, në verën e vitit 2015, për shumën e 5 milionë eurove.
Derisa, gjatë kësaj kohe te Napoli, Hysaj luajti për 225 ndeshje në të gjitha garat, ku suksesi më i madh i tij, ishte triumfi në Kupën e Italisë, në sezonin 2019/20.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
