Ish-Emisari Special i Shteteve të Bashkuara të Amerikës (SHBA) për Ballkanin Perëndimor, Richard Grenell, akuzoi Gjermaninë se është rreshtuar “në anën e kundërt të historisë”, duke mbështetur një “fashist”, siç e cilësoi kryeministrin kosovar, Albin Kurti, posaçërisht rreth zhvillimeve në procesin e dialogut për normalizimin e marrëdhënieve Kosovë-Serbi.
Grenell, nëpërmjet një postimi në platformën “X” të martën, pretendoi se dy forcat kryesore politike në SHBA – Demokratët dhe Republikanët – rrallë gjejnë gjuhë të përbashkët, sidomos sa i përket politikës së jashtme, por pajtohen se problemi i ngërçit është pikërisht kreu i ekzekutivit kosovar, i cili, sipas diplomatit amerikan, ka nxitur dhunën në pjesën veriore.
“Gjermanët janë në anën e gabuar të historisë: duke përqafuar fashistin Kurti. Çdo shtet në botë ka dënuar Kurtin për nxitje të dhunës – përveç Gjermanisë. Republikanët dhe Demokratët rrallë pajtohen… por ata pajtohen se Kurti është problemi”, shkroi ai, pas vizitës së Sekretares Parlamentare në Ministrinë e Mbrojtjes së Gjermanisë, Siemtie Moeller, në Kosovë.
Madje, diplomati amerikan pretendoi një ditë më herët se gabimet e kryeministrit kosovar në procesin e dialogut për normalizimin e raporteve Kosovë-Serbi nën kujdesin e Bashkimit Evropian (BE), mundësuan që presidenti serb, Aleksandër Vuçiç, të fitojë bindshëm në zgjedhjet parlamentare, lokale dhe krahinore të Serbisë të mbajtura më 17 dhjetor.
“Unë po dëgjoj shumë prova që pretendojnë se të pavarurit dhe pensionistët në Serbi në fund votuan për SNS-në sepse Vuçiç e trajtoi shumë mirë liderin ekstremist të Kosovës. Kur komuniteti ndërkombëtar e dënoi Kurtin në mënyrë universale, atyre iu pëlqeu mënyra se si Vuçiç e menaxhoi krizën. Kurti krijoi probleme dhe radikalizmi ishte një çështje kryesore”.
Ish-përfaqësuesi i ish-presidentit amerikan, Donald Trump, ndonëse pa mandat dhe pa ndonjë pozitë të rëndësishme në administratën shtetërore, prej kohësh është angazhuar në një fushatë kundër kryeministrit Kurti, veçanërisht në raport me çështjet që kanë të bëjnë me procesin e dialogut dhe situatën në veriun e vendit të banuar me shumicë serbe.
Albin Kurti has rejected every idea that the West has put forward.
Sadly, the German government failed to embrace the solutions Thaci and Vucic together agreed to put forward.
The Germans are on the wrong side of history: embracing the fascist Kurti.
Every country around… https://t.co/DGkvMVi3DV
— Richard Grenell (@RichardGrenell) December 19, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi: Kuvendi të distancohet nga sjellja e Ramës ndaj Rai 3
-
Në Kosovë kërkohet hartimi i një Ligji për parandalimin e vetëvrasjes
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE