Anëtari i kryesisë së Partisë Demokratike të Kosovës, Betim Gjoshi, ka thënë se kryeministri Albin Kurti “po i shërben Serbisë”.
“Kryeministri i Kosovës, Albin Kurti, me diskursin e tij kundër aleatëve dhe miqve të pazëvendësueshëm të shqiptarëve, po i shërben Serbisë”, ka shkruar Gjoshi në Facebook.
Sipas tij, mënyra se si Kurti po i trajton zyrtarët e lartë të Shteteve të Bashkuara të Amerikës, “është shërbimi ndaj Serbisë që as Aleksandër Vuçiç-i nuk mund t’ia japë vendit të tij”.
“Acarimi i raporteve Kosovë – SHBA nuk i duhet askujt tjetër më shumë se Serbisë. Për Albin Kurtin një herë ishte i keq dikush tjetër, e tash po del se fajet janë edhe te Gabriel Escobar”, shtoi ai.
Ky reagim i Gjoshit vjen pasi kryeqeveritari Kurti gjatë një interviste për mediumin boshnjak Istraga ka theksuar se “Gabriel Escobar nuk e kupton Serbinë dhe i bën lëshime”.
“Kam dallime me të, në çështje si Ballkani i Hapur. Escobar e përkrahë Ballkanin e Hapur, unë jo. Ballkani i Hapur shikon nga Rusia dhe u formua në kohën kur Lëvizja Vetëvendosje fitoi në Kosovë. Nuk e kuptoj pse KFOR-i nuk po i heq barrikadat. Nëse KFOR-i nuk dëshmohet në rolin e vet, do të dëshmohemi ne dhe do t’i heqim barrikada në Veri”, tha Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve
-
Universitetet amerikane në trazira, 200 arrestime në orët e fundit
-
Borrell e Lajçak janë shkarkuar, dialogu i Brukselit ka vdekur, thotë Tahiri
-
Cambodia, 20 ushtarë të vrarë në shpërthimin e bazës së municioneve
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Blinken luan kartën saudite
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve