Guvernatori i Bankës së Shqipërisë dhe ministrja e Financave dhe Ekonomisë kanë zhvilluar një takim me përfaqësuesit e shoqatave të bizneseve eksportuese për të diskutuar mbi shqetësimet e ngritura nga ata lidhur me forcimin e kursit të këmbimit të Lekut ndaj monedhës Euro.
Guvernatori Gent Sejko mendon se ky forcim nuk ka cenuar rritjen e eksporteve shqiptare përkundrazi, ka ndihmuar në kontrollin e inflacionit në vend.
Ai i ftoi eksportuesit të jenë të kujdesshëm në strategjitë dhe planet e tyre të biznesit, si dhe të bashkëpunojnë me industrinë financiare.
“Sektori ynë bankar ofron prej kohësh instrumentin e kontratave të së ardhmes, të cilat ofrojnë mbrojtje ndaj lëvizjeve të forta dhe të padëshirueshëm të kursit të kursit të këmbimit”, tha ai.
Dhe se Banka e Shqipërisë “mbetet e gatshme për t’ju ndihmuar me trajnime dhe ekspertizë për përdorimin e këtyre instrumenteve”.
Sipas Bankës së Shqipërisë, tregu valutor ka funksionuar normalisht gjatë dy viteve të fundit, duke mos shfaqur çrregullime apo fenomene spekulative.
Referuar analizave, Banka Qendrore gjykon se forcimi i kursit të këmbimit të Lekut pasqyron përmirësimet strukturore të ekonomisë shqiptare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste
