Forcat ruse kapën substanca radioaktive me duart e tyre në Çernobil

Punimet në “Pyllin e Kuq” nuk ishin i vetmi veprim i pamatur i forcave ruse në zonën e Çernobil-it.

Kryeinxhinieri i Sigurisë, Valery Semyonov zbuloi disa detaje të reja për të përditshmen amerikane “New York Times”.

“Ata erdhën dhe bënë çfarë deshën”, tha inxhinieri.

Ekspertët janë në dijeni të një rasti kur një ushtar rus nga njësia e mbrojtjes bërthamore kapi me duart e tij një burim të kobaltit radioaktiv Kobalt-60 nga një depo e mbetjeve bërthamore.

Me këtë veprim, ai u ekspozua ndaj një rrezatimi të jashtëzakonshëm.

“Çfarë ka ndodhur me ushtarin, nuk e di”, shton Semyonov.

Sipas tij, ushtria ruse kishte përfshirë oficerë të njësive atomike, biologjike dhe kimike, si dhe ekspertë të Rosatom-it.

Megjithatë, shkencëtarët rusë bërthamorë nuk dukej se kishin ndonjë ndikim në komandën e ushtrisë.

Rusët ishin më të angazhuar në sulmin e Kiev-it dhe pas dështimit të trupave të mundura, ata përdorën Çernobil-in si një rrugë shpëtimi për në Bjellorusi.

Më 6 prill, u shfaq një video që konfirmonte se forcat ruse jo vetëm që bënë llogore në Pyllin e Kuq, por edhe jetonin aty.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.