![](https://albanianpost.com/wp-content/uploads/2022/02/643a3b72b7a7465e085bae02bc9e2407o2.jpg)
Fiorentina është kualifikuar në gjysmëfinalen e Kupës së Italisë, teksa ka befasuar Atalanta-n, duke e mposhtur në sekondat e fundit të ndeshjes, me rezultat 2:3.
Në fakt, fitorja e klubit viola ishte edhe më e veçantë, pasi që ata ishin duke luajtur me një lojtar më pak në fushë, pas përjashtimit të Lucas Martinez Quarta në minutën e 79-të.
Ndeshja gjithashtu nisi më mirë për Fiorentina-n, të cilët kaluan në epërsi që në minutën e nëntë, me golin e shënuar nga Krzysztof Piatek, përmes penalltisë.
Megjithatë, vendasit reaguan shpejtë, të cilët e gjetën golin e barazimit në minutën e 30-të, ku realizator ishte Davide Zappacosta.
Atalanta më pas mori në kontroll lojën, të cilët kaluan edhe në epërsi për herë të parë në ndeshje, me golin e shënuar nga Jeremie Boga në minutën e 56-të.
Megjithatë, mysafirët nuk u dorëzuan, të cilët barazuan rezultatin me sulmuesin Piatek në minutën e 71-të, para se mbrojtësi Nikola Milenkovic të shënonte golin e fitores në minutën e 93-të, kur skuadrat ishin duke u përgatitur për vazhdime.
Tani në gjysmëfinale, Fiorentina do të presë fituesin e duelin Juventus – Sassuolo që do të zhvillohet sonte me fillim nga ora 21:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Davis nokauton Martinin – mbron titullin e kampionit të botës
-
Duka për kandidaturën e përbashkët me Serbinë: Është interes kombëtar – i shërben edhe njohjes së Kosovës
-
“Kam punuar shumë gjithë jetën për të arritur këtu”, Marku sonte përballet me Kongon
-
Kosova barazon ndaj Zvicrës, përfundon ëndrra për Euro 2024
Lajmet kryesore
-
NATO duhet të tregojë “muskujt e saj bërthamorë”, thotë Stoltenberg
-
Shqipëria në stërvitje intensive përpara Kroacisë, Asani kthehet me ekipin
-
‘Shota’ prezantohet në Paris – Makina e parë ushtarake shqiptare, pjesë e panairit EUROSATORY
-
Kurti: Disa kryetarë edhe na kritikojnë, edhe i paraqesin si suksese komunale investimet e Qeverisë