Ambasada e Finlandës në Kosovë, nëpërmjet një postimi në rrjetin social “Facebook”, njoftoi se Kuvendi i Finlandës ka themeluar Grupin Parlamentar të Miqësisë me Kosovën, i cili do të udhëhiqet nga ish-Ministrja e Çështjeve Evropiane, Tytti Tuppurainen, bashkë me nënkryetarin Mikko Savola, deputet dhe ish-Ministër i Mbrojtjes.
Tuppurainen, e cila e ka përkrahur Kosovën në pothuajse të gjitha proceset, pas themelimit të këtij grupi, ka shkruar në llogarinë e saj në “Twitter” se ndihet krenare për formimin e tij si dhe ka shprehur kënaqësinë që do ta udhëheqë grupin.
“Krenare t’ju informojmë se ne, deputetët e Parlamentit të Finlandës, sot kemi themeluar Grupin Parlamentar të Miqësisë me Kosovën. E lumtur që e kryesoj grupin së bashku me nënkryetarin Mikko Savola, deputet dhe ish-ministër i Mbrojtjes”, shkroi ajo.
Ndryshe, raportet e Kosovës me Finlandën ishin karakterizuar përmes ish-presidentit finlandez, Martti Ahtisaari, i cili mori pjesë në ndërmjetësimin e procesit të paqes në vitin 1999, si dhe shërbeu si i dërguar special i Kombeve të Bashkuara për të negociuar statusin e Kosovës në vitet 2005-2008.
Proud to inform that we the parliamentarians of the Finnish Parliament have today established a Kosovo Parliamentary Friendship Group. Happy to be chairing the group together with vice-chair @MikkoTSavola, MP and former Defence Minister. 🇫🇮🤝🇽🇰 pic.twitter.com/pUoeDqIx3M
— Tytti Tuppurainen (@TyttiTup) May 23, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
