Romelu Lukaku ishte i pakënaqur me vendimet e Simone Inzaghi-t në pjesën e dytë të sezonit 2022-2023 dhe përjashtimi nga formacioni startues në finalen e Ligës së Kampionëve thuhet se e bindi sulmuesin të largohej nga Interi.
Lukaku nuk do të kthehet në “Stadio Meazza” në sezonin 2023-24. Belgu nuk iu përgjigj drejtorëve të Inter-it në fillim të kësaj jave, duke hapur bisedimet me rivalët e tyre, Juventus-in.
Nuk është sekret që 30-vjeçari ishte i pakënaqur me vendimet e Inzaghi-t në pjesën e dytë të fushatës.
Tekniku italian e uli në mënyrë të përsëritur Lukaku-n në ndeshjet e mëdha, duke nisur me Edin Dzeko-n dhe Lautaro Martinez në sulm edhe pse belgu dukej në formë në dy muajt e fundit të 2022-2023 me shtatë gola në tetë ndeshjet e fundit të Serisë A.
E njëjta gjë ndodhi në finalen e Ligës së Kampionëve kundër Manchester City-t dhe, sipas edicionit të shtypur të së dielës të La Gazzetta dello Sport, lënaj në stol në finale, përfundimisht e bindi Lukaku-n të heq dorë nga Inter-i.
Sulmuesi nuk ndihej në qendër të projektit të Inzaghi-t, ndaj vendosi të mos u përgjigjet drejtorëve duke i detyruar ata të përfundonin negociatat me Chelsea-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
