Emiratet e Bashkuara Arabe (EBA) do të jenë vendi organizator i Kupës së Botës për Klube në vitin 2022. Njoftimi zyrtar erdhi nga kreu i FIFA-s, Gianni Infantino.
EBA ka organizuar edhe më parë edicione të Kupës së Botës për Klube. Përkatësisht në vitet 2009, 2010, 2017 dhe 2018.
“Gjatë Këshillit të sotëm u përcaktua se Kupa e Botës për Klube do të luhet në Emiratet e Bashkuara Arabe në muajt e parë të vitit 2022, me datën që ende nuk është përcaktuar”, tha Infantino.
“Nuk do të mbahet më në Japoni pas tërheqjes për shkak të pandemisë. Emiratet tashmë e kanë pritur turneun disa herë”, shtoi kreu i FIFA-s.
Një Kupë Bote për Klube e përbërë nga 24 skuadra duhet të debutonte këtë vit në Kinë, por pandemia pengoi zhvillimin e projektit. FIFA nuk ishte në gjendje të mblidhte fondet e nevojshme për ngjarjen e planifikuar për t’u zhvilluar çdo katër vjet.
Vendimi në fuqi është që Kupa e Botës të luhet me shtatë skuadra. Gjashtë do të jetë fitueset kontinentale dhe një do të jetë skuadra që ka fituar kampionatin në vendin pritës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
