Duke folur në podkastin The Full Send të publikuar të enjten, Musk u pyet se sa fëmijë ka dhe tha se ka nëntë pasardhës me tre gra. Një nga prezantuesit përmendi se kishte takuar binjakët e Musk, të cilët tani po shkojnë në kolegj, tha babai i tyre.
Individi më i pasur në botë tha se kërcënimi më i madh me të cilin përballet bota ishte një nivel i ulët i lindjeve dhe pretendoi se mbipopullimi ishte një mit.
“Popullsia nuk po rritet. Jetëgjatësia po rritet. Njerëzit jetojnë më gjatë. Kjo është arsyeja e vetme pse popullsia në tokë nuk është ulur, por do të bjerë,” tha Musk.
Megjithatë, Kombet e Bashkuara prisnin që popullsia e botës të rritet për 2 miliardë gjatë 30 viteve të ardhshme, nga 7.7 miliardë në 9.7 miliardë deri në vitin 2050.
Musk ka ndarë prej kohësh shqetësimet e tij për një rënie të lindjeve. CEO i SpaceX dëshiron të dërgoj njerëzit në Mars. Megjithatë, ai pretendoi se nuk do të kishte njerëz të mjaftueshëm për të dërguar në Mars nëse kriza demografike vazhdon.
Musk vlen rreth 264 miliardë dollarë, sipas Forbes. Ai ka katër kompani: prodhuesin e automjeteve elektrike Tesla, prodhuesin e anijeve kozmike SpaceX, startup-in e ndërtimit të tuneleve The Boring Company dhe Neuralink.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Konventa e Lirisë – Meta shndërron partinë për të dytën herë në po aq vjet
-
SPAK firmos urdhërarreste për zyrtarë të Kadastrës, dy në burg
-
Si studentët në “Columbia University” nxitën një revoltë mbarëkombëtare
-
Pushteti refuzon të ia jep meritat ish presidentes Jahjaga për sigurimin e aparaturës që ka kosto mbi 1 milionë euro
