Vendimi i revistës prestigjioze “Time” për të shpallur miliarderin Elon Musk si njeriu i vitit 2021, është kundërshtuar ashpër nga kritikët, për shkak të qëndrimit që manjati ka ndaj sistemit të taksimit dhe qasjes kundrejt masave ndaj COVID-19.
Musk, prej pak kohësh, ka tejkaluar shifrën e 300 miliardë dollarëve pasuri, duke u bërë jo vetëm njeriu më i pasur në botë, me një ndryshore të madhe ndaj rivalit të tij, Jeff Bezos, por edhe njeriu i parë, i cili tejkalon të 300-at në rangun e miliardëshit.
Ndër zërat e parë kundër vendimit të “Time”, ishte senatorja Elizabeth Warren. Nëpërmjet Twitter-it, ajo iu kundërvu zgjedhjes dhe bëri apel për rritjen e taksimit ndaj miliarderëve.
Let’s change the rigged tax code so The Person of the Year will actually pay taxes and stop freeloading off everyone else. https://t.co/jqQxL9Run6
— Elizabeth Warren (@SenWarren) December 13, 2021
“Le ta ndryshojmë sistemin e manipuluar të taksimit”, shkruan Warren. “Kështu, njeri i vitit, do të paguajë taksa sa duhet”.
Në të njëjtën linjë, është edhe kongresmenja amerikane Pramila Jayapal.
“Është koha që Elon Musk të paguajë nivelin e duhur të taksimit”, shkruan ajo në Twitter, duke ironizuar efektin e kohës me emrin e revistës.
It’s *TIME* for Elon Musk to pay his fair share in taxes. https://t.co/cKTkOKDtpc
— Rep. Pramila Jayapal (@RepJayapal) December 13, 2021
Autori Kurt Eichenwald, nuk komentoi fillimisht mbi zgjedhjen e “Time”. Por, pasi pa arsyetimin e revistës, ai shkroi se është totalisht kundër. Mbi të gjitha, kur kaq shumë zhvillues të vaksinës mRNA kanë shpëtuar miliona jetë njerëzish.
https://twitter.com/kurteichenwald/status/1470462022617911301?ref_src=twsrc%5Etfw%7Ctwcamp%5Etweetembed%7Ctwterm%5E1470462022617911301%7Ctwgr%5E%7Ctwcon%5Es1_&ref_url=https%3A%2F%2Fwww.theguardian.com%2Ftechnology%2F2021%2Fdec%2F14%2Felon-musk-time-person-of-the-year-worst-ever-choice-say-critics
Vetë Elon Musk, i ka kursyer fjalët e tepërta. “Faleminderit”, shkroi ai në Twitter duke etiketuar revistën.
Thank you!
— Elon Musk (@elonmusk) December 13, 2021
Të tjerë sakaq, kanë filluar të hedhin foto të “heronjve” të tyre personalë nën etiketimin “njeriu im i vitit”.
Por, në fund të ditës, ajo çfarë mbetet, është fitorja e Musk.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel