Nuk ka mjaftuar vetëm njoftimi nga Departamenti i Shtetit Amerikan për “zhgënjimin” dhe “shqetësimin” me Qeverinë e Kosovës.
Të njëjtën deklaratë e ka përsëritur edhe Sekretari i Shtetit Amerikan, Antony Blinken, këtë të premte, përkundër se Qeveria pranoi që ta zbus vendimin për targat dhe të mos shkojë me konfiskime të veturave, por me qortime e gjoba.
Blinken duke folur për mediumin The Pavlovic Today, në intervistë me gazetaren Ksenija Pavlovic McAteer, tha se Shtetet e Bashkuara të Amerikës janë “të zhgënjyera dhe të shqetësuara që Qeveria e Kosovës ka refuzuar kërkesën e partnerëve ndërkombëtarë”, për ta shtyrë vendimin për 10 muaj.
Kosova dhe Serbia, tha Blinken, “duhet urgjentisht dhe në mënyrë fleksibile të punojnë për të arritur marrëveshje gjithëpërfshirëse për normalizim raportesh, me synim njohjen e ndërsjellë”.
Por, ai ka pohuar se është e rëndësishme që të dyja palët të reduktojnë retorikën që nxitë dhe të marrin vendime konkrete për të demonstruar se janë të përkushtuara në bashkëpunim konstruktiv.
Kjo ka thënë Blinken do të tregonte se janë të interesuara për ta përparuar rajonin.
Shkallëzimi i vendimit për targat, veprim i matur politik i Kurtit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Robertson për Thaçin: Një person i ndërlikuar, por lider gjigand – ndoshta do të kthehet në skenë
-
Vdiq Sylë Tahirsylaj
-
Kurti në 100-vjetorin e zgjedhjes së Fan Nolit kryeministër: Një patriot që u përpoq ta orientonte drejt Shqipërinë
-
Osmani takon këshilltarët e Bidenit për çështje të sigurisë, flasin për rolin jetik të SHBA-së në ruajtjen e paqes
