![](https://albanianpost.com/wp-content/uploads/2021/03/129913.jpg)
Gjykata e Lartë në Podgoricë ka deklaruar se nuk po kërkon më arrestimin e shtetases serbe, Branka Milic-it.
Milic është një nga të akuzuarat e komplotit për grusht shteti në 2016-ën.
Ajo u arratis nga gjykata dhe hyri në ambasadën serbe në Podgoricë, ku ka qëndruar që atëherë, e paarritshme për arrestim.
Mali i Zi i ka kërkuar Serbisë që të lejojë autoritetet e saj të zbatimit të ligjit, të hyjnë në ambasadë, por nuk ka marrë asnjë përgjigje.
Në maj të vitit 2019, ambasadori serb në Podgoricë, Vladimir Bozovic, u tha autoriteteve malazeze se Milic ka nevojë për ndihmë urgjente mjekësore dhe si një shtetase serbe, duhet të lejohet të shkojë në shtëpi për mjekim.
Milic u dënua me tre vite burg në mungesë, pasi kishte ikur në ambasadën serbe.
Grushti i shtetit
Gjykata e Lartë në 2019 i shpalli fajtorë të 14 personat e akuzuar për planifikimin e rrëzimit të dhunshëm të qeverisë malazeze, në tetor të vitit 2016, me qëllim parandalimin e anëtarësimit të Malit të Zi në NATO.
Sipas autoriteteve malazeze nacionalistët serbë dhe rusë kanë bërë komplot për të pushtuar parlamentin gjatë zgjedhjeve parlamentare, për të vrarë kryeministrin e atëhershëm, Millo Gjukanovic, dhe për të instaluar një udhëheqësi pro-ruse.
Të shpallurit fajtorë përfshinin dy udhëheqës të opozitës pro-ruse malazeze, një tjetër malazez, nëntë shtetas të Serbisë dhe dy rusë që janë gjykuar në mungesë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti: Ndërrimi i objektit të konsulltës në Hamburg, dëshmi e mbrojtjes së imazhit të Kosovës
-
Spanjë, pasagjeres iu refuzua fluturimi për shkak të veshjes: Vueling gjobitet me 28 mijë euro
-
Vapa ekstreme në Gaza, makthi i jetës në tenda
-
Gjuriç në takim me Borellin, pretendon se po cenohet siguria e serbëve të Kosovës
Lajmet kryesore
-
Raporti i OLAF 2023 ‘nxin’ Shqipërinë për keqpërdorimin e fondeve të IPARD II
-
Nephew në Tiranë: Në fokus rëndësia për të eleminuar pandëshkueshmërinë
-
Të dyshuarit për dhunë në familje nuk mund të zotërojnë armë, vendos Gjykata e Lartë e SHBA-ve
-
Fajon: Anëtarësimi i shteteve të Ballkanit në BE të bëhet tani ose kurrë më