Qendërmbrojtësi spanjoll i Paris Saint-Germain, Sergio Ramos është një tjetër lojtar që do të duhet të negociojë një zgjatje të kontratës këtë verë, siç është rasti me Lionel Messi-n.
Ramos, i cili paguhet gjashtë milionë euro në sezon, i skadon kontrata në vitin 2023 dhe do të duhet të ulet me Nasser Al-Khelaifi për të diskutuar të ardhmen e tij.
Megjithatë, ardhja e mundshme e qendërmbrojtësit të Inter-it, Milan Skriniar, mund të komplikojë vazhdimësinë e tij në klubin francez.
Sipas L’Equipe dhe Le Parisien, Skriniar tashmë ka një marrëveshje verbale me Paris Saint-Germain.
Paraqitjet e reprezentuesit spanjoll nuk kanë qenë aq të kënaqshme sa pritej. Në sezonin e tij të parë, lëndimet ishin problemi kryesor dhe sezoni humbi.
Në këtë sezon të dytë, koha e tij e lojës është përmirësuar dhe ai ka luajtur gjithsej 25 ndeshje, duke qenë një lojtar kyç në skemën e Christophe Galtier në qendër të mbrojtjes, por kjo mund të mos jetë e mjaftueshme për të fituar një marrëveshje të re.
View this post on Instagram
Ndërkohë, Neymar është një tjetër lojtar që mund të jetë në muajt e fundit te PSG, edhe pse ka kontratë deri në vitin 2025.
U fol tashmë verën e kaluar, pasi rinovimi i Kylian Mbappe në thelb e vuri atë në rampën e daljes, se bordi parizian do të pranonte të shiste lojtarin brazilian për të ristrukturuar klubin dhe për të hequr qafe pagën e tij të lartë.
Por, e vërteta është se për momentin ylli brazilian nuk dëshiron të largohet nga Paris Saint-Germain, gjë që e bën të vështirë. Plus, pak klube do të ishin në gjendje të përballonin çmimin e lartë të kontratës së tij.
View this post on Instagram
Ajo që duket e qartë është se gjithçka do të varet nga rezultatet sportive. Nëse PSG nuk arrin të arrijë objektivat e saj, veçanërisht në Champions League, do të kërkohen ndryshime dhe Sergio Ramos dhe Neymar mund të jenë pjesë e tyre.
Por, të dy janë dy lojtarë të klasit botëror dhe dihet se çfarë mund të kontribuojnë në momentet kyçe të sezonit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
