Droni zbulues dhe goditës MQ-9 Reaper i Forcave të Armatosura të SHBA-ve, i cili u kap nga avioni rus Su-27 mbi Detin e Zi, nuk mbante asnjë armë.
Lajmi u bë i ditur nga gazeta amerikane “New York Times”, duke cituar burimet e saj.
Megjithëse dronët, të njohur si Reaper’s, mund të mbajnë raketa Hellfire, ky dron nuk ishte i armatosur dhe po kryente zbulim rreth rreth 120 kilometra në jugperëndim të Krimesë, sipas gazetës, duke cituar një zyrtar të lartë ushtarak amerikan, kur u kap nga dy avionë rusë.
Sipas një burimi të NYT-së, droni u ngrit nga një bazë ajrore në Rumani mëngjesin e 14 marsit për të kryer një mision të planifikuar zbulimi, i cili zakonisht zgjat rreth 9-10 orë.
“Ky episod habiti ushtrinë amerikane, të cilët po e shikonin nëpërmjet një video-lidhjeje nga një dron në qendrën e operacioneve në bazën ajrore Ramstein në Gjermani”, shkruan botimi.
Forcat Ajrore të SHBA-ve lëshuan një deklaratë më 14 mars në të cilën u raportua se një avion luftarak rus Su-27 dëmtoi një mjet zbulues dhe goditës amerikan MQ-9 Reaper mbi Detin e Zi gjatë një përgjimi, si rezultat i të cilit droni duhet të mbytej.
Koordinatori i Komunikimeve i Këshillit të Sigurisë Kombëtare të SHBA, John Kirby vuri në dukje se ndërsa përgjimet ruse të avionëve amerikanë mbi Detin e Zi nuk janë të rralla, episodi i së martës ishte unik për sa “të rrezikshme, joprofesionale dhe të pamatura” ishin veprimet e Rusisë.
Ministria ruse e Mbrojtjes tha se avionët e saj luftarakë Su-27 nuk ishin të përfshirë në rrëzimin e një droni amerikan MQ-9 Reaper në Detin e Zi, duke thënë se ai i ishte afruar Krimesë së pushtuar dhe po “fluturonte në mënyrë të çrregullt”.
Departamenti Amerikan i Mbrojtjes, nga ana tjetër, tha se po punonte për deklasifikimin e informacionit vizual në lidhje me incidentin në hapësirën ajrore ndërkombëtare mbi Detin e Zi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
E ardhmja e kafes: Kokrra sintetike të krijuara në laborator
-
Krijohet një vaksinë me potencial për të mbrojtur kundër coronavirus-eve të ardhshëm
-
Kina ka hakeruar Ministrinë britanike të Mbrojtjes, raporton Sky News
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin