Të enjten në Dhomat e Specializuara të Kosovës në Hagë po vazhdon gjyqi ndaj ish-krerëve të Ushtrisë Çlirimtare të Kosovës.
Dragica Bozhaniç, është dëshmitarja e 17-të në Gjykatën Speciale kundër Hashim Thaçit, Kadri Veselit, Jakup Krasniqit dhe Rexhep Selimit, pas përfundimit të dëshmisë së dëshmitarit të 16-të, dëshmia e të cilit për tri ditë me radhë është dëgjuar në seancë private.
Seanca ku po dëgjohet Bozhaniç është e hapur për publikun ndërsa në pyetje fillimisht po e merr atë Zyra e Prokurorisë së Specializuar.
Prokurori i Prokurorisë Speciale, Cezary Michalczuk, ka thënë se dëshmitarja bashkë me familjarët e saj është nxjerrë nga shtëpia e saj në rajonin e Rahovecit nga pjesëtarë të UÇK-së.
Më pas, siç e ka thënë Michalczuk, serbët e asaj ane UÇK-ja i kanë çuar në një fshat afër dhe më pas i ndanë burrat dhe gratë.
Prokurori tha po ashtu se pasi i ndanë burrat e gratë, dëshmitarja e ka parë edhe një herë burrin e saj të majivosur dhe s’e ka parë më kurrë.
Personat e mbajtur ka thënë prokurori i Zyrës së Prokurorit të Specializuar janë liruar më pas nga Kryqi i Kuq Ndërkombëtar.
Cezary Michalczuk: Bashkëshorti juaj ka qenë mësues?
Dragica Bozhaniç: Po, ka qenë mësues dhe ka qenë edhe drejtor shkolle
Cezary Michalczuk: Bashkëshorti ishte anëtar apo pjesëtar i ushtrisë serbe në vitin 1998?
Dragica Bozhaniç: Jo, nuk ka qenë asnjëherë në ushtri, ka pasur problem me veshkat.
Cezary Michalczuk: Të gjithë burrat e fshatit e kishin për detyrim të kryenin shërbimin ushtarak?
Dragica Bozhaniç: Burrat e tjerë kanë pasur për detyrim, por jo bashkëshorti im.
Cezary Michalczuk: Ky detyrim shtrihej edhe për shqiptarët e fshatit?
Dragica Bozhaniç: Po.
Cezary Michalczuk: Shoqërohej me shqiptarët e fshatit?
Dragica Bozhaniç: Po.
Të enjten nis seanca dëgjimore e dëshmitarit të 17-të kundër ish-krerëve të UÇK-së
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dëshmitari i 57-të në Speciale dëshmon në seancë të mbyllur, gjykatësi kërkon që pyetjet të bëhen të thjeshta
-
Përfundon dëshmia e Ramiz Qeriqit në Speciale, javën e ardhshme një tjetër dëshmitar
-
Qeriqi në Speciale mohon akuzat se e kishte parë Thaçin të jepte urdhra ndaj anëtarëve të UÇK-së
-
Tre orë debate te Komisioni i Shëndetësisë, mazhoranca refuzon kalimin e kërkesave për informacion
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
