Sulmuesi i famshëm me origjinë braziliane, Diego Costa, pritet që ta nisë aventurën e tij të dytë në Premier Leauge.
Sipas raportimeve të fundit, të martën Costa do të udhëtojë në Angli për t’iu nënshtruar një ekzaminimi mjekësor dhe për të vlerësuar gjendjen e tij fizike, para se të firmosë kontratën me klubin e Wolverhampton.
Këta të fundit janë në urgjencë për një sulmues, pasi Sasa Kalajdzic pësoi një dëmtim të rëndë në ndeshjen e tij debutuese kundër Southampton-it në këtë fundjavë dhe pritet të mungojë një kohë të gjatë.
Diego Costa is going to have a trial with Wolves this week 👀
He has been a free agent since January.
More ⤵️ #BBCFootball
— BBC Sport (@BBCSport) September 4, 2022
Kështu, Raul Jimenez mbetet i vetmi qendërsulmues në dispozicion të trajnerit të “Ujqërve”, Bruno Lage.
Kujtojmë që Diego Costa është pa klub që nga muaji janar kur u largua nga ekipi brazilian, Atletico Mineiro.
Në rast se transferohet te Wolves, kjo do të jetë aventura e dytë e 33-vjeçarit në futbollin anglez, pasi që më herët kishte luajtur për Chelsea-n.
Ai ishte transferuar te blutë e Londrës në verën e vitit 2014 nga Atletico Madrid-i për 38 milionë euro.
Me fanellën e Chelsea-t, Costa luajti 120 ndeshje në të gjitha garat, ku shënoi 59 gola dhe dhuroi 23 asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”