Memphis Depay pritet që të transferohet tek Inter-i në afatin kalimtar të janarit.
Sipas asaj që raporton gazetari i Barcelonës, Gerard Romero, kjo lëvizje do të bëhet shumë shpejt.
Gazetari i lartcekur shkruan se në këmbim te Depay-t, te katalanasit do të transferohet sulmuesi argjentinas, Joaquin Correa.
Raportohet se Correa dhe dy klubet tashmë kanë rënë dakord për kushtet dhe gjithçka varet tani nëse holandezi e pranon lëvizjen.
28-vjeçari iu bashkua Barcelonës si lojtar i lirë nga Lyon në verën e vitit 2021, por kontrata e tij zgjat vetëm deri më 30 qershor dhe paga e tij konsiderohet si problem për financat e klubit.
Ai ka kontribuar me katër gola dhe një asistim në vetëm tetë paraqitje konkurruese këtë sezon, dhe gjithashtu u lidh me një lëvizje në Atletico Madrid si një zëvendësues i Joao Felix.
Sa i përket Correa-s, kjo me sa duket do të ishte një hua me opsion blerjeje dhe jo një shkëmbim direkt, duke pasur parasysh se kontrata e tij zgjat deri në qershor 2025 dhe ai u ble nga Lazio për një total prej 29.6 milionë euro në verën e vitit të kaluar.
Tashmë kishte sugjerime se dy klubet po bisedonin për një marrëveshje të mundshme shkëmbimi mes tyre mes Marcelo Brozovic dhe ish-mesfushori i Milani-t, Franck Kessie.
Megjithatë, ky është një shkëmbim krejtësisht i ndryshëm që nuk lidhet me atë ide.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in